Fótbolti.net

lau 28. nóvember 2020 09:30

Magnús Már Einarsson

Elísa spáir í leiki helgarinnar á Englandi

Elísa Viðarsdóttir

Mynd: Fótbolti.net - Hafliði Breiðfjörð

Haukur Harðarson, íþróttafréttamaður á RÚV, skaust á toppinn yfir spámennina í enska boltanum þegar hann fékk sjö rétta um síðustu helgi.

Elísa Viðarsdóttir, leikmaður Vals og íslenska landsliðsins, spáir í leikina að þessu sinni en Ísland vann öflugan 3-1 sigur gegn Slóvakíu í undankeppni EM í gær.

Crystal Palace 1 - 1 Newcastle (20:00 í kvöld)
Tvö lið að mætast sem hafa ekki verið á miklu flugi að undanförnu. CP nær að kreista fram jafntefli og erfiðleikar Newcastle á útivelli halda áfram.

Brighton 0 - 3 Liverpool (12:30 á morgun)
Liverpool eru með Brighton í vasanum því miður, erfiðleikar Brighton manna að múra fyrir markið heldur áfram og því verður þetta öruggur Liverpool sigur.

Manchester City 1 - 0 Burnley (15:00 á morgun)
City koma til baka eftir afhroð síðustu helgar og taka sterkan 1-0 sigur. Leikurinn mun einkennast af góðum varnarleik beggja liða.

Everton 1 - 2 Leeds (17:30 á morgun)
Leeds elskar að spila á útivelli og Everton elskar að spila á heimavelli, þetta verður skemmtilegur leikur þar sem Leeds nær að knýja fram sigur á lokamínútum leiksins.

WBA 0 - 0 Sheffield United (20:00 á morgun)
Einn minnst sexy leikur helgarinnar að mínu mati, tvö lið sem eru lítið að skora og vinna fótboltaleiki. Steindautt markalaust jafntefli.

Southampton 1 - 2 Manchester United (14:00 á sunnudag)
Nú er kominn tími á mína menn að skína og fara að bjóða okkur upp á skemmtilegri fótbolta, en gegn fínu liði Southampton þá þarf góða frammistöðu til þess að knýja fram sigur sem þeir munu svo sannarlega gera og vinna sterkan útisigur.

Chelsea 1 - 0 Tottenham (16:30 á sunnudag)
Mjög spennandi leikur, bæði lið hafa verið á fínu róli í deildinni og verið að spila árangursríkan fótbolta. Ég held að meiðsli Alderweireld geti haft áhrif á annars góðan varnarleik Tottenham í deildinni hingað til og því taki Chelsea sterkan heimasigur og Mourinho ekki til mikillar gleði.

Arsenal 1 - 0 Wolves (19:15 á sunnudag)
Arsenal eru ekki búnir að vera sannfærandi upp á síðkastið og verða hreinlega að sækja 3 stig úr þessum leik. Segjum að Rúnar Alex komi í markið og þeir haldi hreinu á móti fínu liði Wolves.

Leicester 2 - 0 Fulham (17:30 á mánudag)
Öruggur sigur Leicester á Fulham, lítið um leikinn að segja annað en það.

West Ham 2 - 1 Aston Villa (20:00 á mánudag)
Ég held að þetta geti orðið skemmtilegur leikur þar sem West Ham heldur uppteknum hætti og tekur sterkan heimasigur.

Fyrri spámenn
Haukur Harðarson - 7 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Þorlákur Árnason - 4 réttir
Birkir Már Sævarsson - 3 réttir
Steindi Jr. - 3 réttir

		L	U	J	T	ms:	mf:	mun	Stig
1	Arsenal	35	23	7	5	67	26	+41	76
2	Man City	33	21	7	5	66	29	+37	70
3	Man Utd	35	18	10	7	63	48	+15	64
4	Liverpool	35	17	7	11	59	47	+12	58
5	Aston Villa	35	17	7	11	48	44	+4	58
6	Bournemouth	35	12	16	7	55	52	+3	52
7	Brentford	35	14	9	12	52	46	+6	51
8	Brighton	35	13	11	11	49	42	+7	50
9	Chelsea	34	13	9	12	53	45	+8	48
10	Fulham	35	14	6	15	44	49	-5	48
11	Everton	34	13	8	13	41	41	0	47
12	Sunderland	35	12	11	12	37	46	-9	47
13	Newcastle	35	13	6	16	49	51	-2	45
14	Leeds	35	10	13	12	47	52	-5	43
15	Crystal Palace	34	11	10	13	36	42	-6	43
16	Nott. Forest	34	10	9	15	41	45	-4	39
17	Tottenham	35	9	10	16	45	54	-9	37
18	West Ham	35	9	9	17	42	61	-19	36
19	Burnley	35	4	8	23	35	71	-36	20
20	Wolves	35	3	9	23	25	63	-38	18