Hann var mjög ánægður með aðstæður Íslands í Tyrklandi, en liðið æfði í frábæru veðri í túristaborginni Antalya.

„Undirbúningurinn í Tyrklandi var með því betra sem þetta landslið hefur gert. Þetta er örugglega með dýrari ferðum sem KSÍ hefur farið í og ég held að það skili sér. Þetta kostaði mikið en ég held við séum að fá ansi mikið til baka.," sagði Heimir á blaðamannafundinum í gær.

Hann segir að hindranir hafi verið til staðar í ferðinni, en hópurinn hafi ekki látið þær á sig fá.

„Jafnvel þó að það hafi komið upp margar hindranir, eins og t.d. að farangurinn hafi ekki komið fyrr en daginn fyrir leik, það breytti litlu. Það hefði ekkert lið í heiminum tekið þessu eins vel og við. Starfsliðið svaf ekki og menn voru tilbúnir að leggja allt á sig."

„Það er lykillinn að þessum tveimur leikjum."