Roy Hodgson, landsliðsþjálfari Englands, hefur kallað miðjumanninn Tom Cleverley á fund þar sem hann mun fara yfir undirbúning landsliðsins fyrir EM í Frakklandi.
Þessi 26 ára leikmaður hefur verið í fínu formi með Everton að undanförnu en hann hefur ekki spilað fyrir England síðan hann lék gegn Þýskalandi í nóvember 2013.
Hodgson hefur þó mikið álit á Cleverley og sendir nú þau skilaboð að leikmaðurinn á enn möguleika á að fara með á Evrópumótið.
Fjórir aðrir leikmenn Everton voru boðaðir á fundinn; Ross Barkley, Phil Jagielka, Leighton Baines og John Stones.
Athugasemdir