Heimild: Sky Sports
Allt þykir benda til þess að Norðmaðurinn Ole Gunnar Solskjær láti af störfum sem knattspyrnustjóri Cardiff.
Þetta fullyrðir Sky Sports, en Solskjær átti krísufund með forráðamönnum liðsins í dag.
Cardiff féll úr ensku úrvalsdeildinni í vor og hefur farið afar illa af stað í Championship-deildinni í vetur. Situr liðið í 17. sæti eftir sjö umferðir.
Hinn 41 árs gamli Solskjær tók við Cardiff í janúar á þessu ári, en áður hafði hann getið sér góðan orðstír sem stjóri Molde.
Athugasemdir