„Þetta er steikt, okkur er ekki ætlað að vinna þessa æfingaleiki, það er bara þannig," sagði Kolbeinn Sigþórsson eftir 3-1 tap Íslands í Slóvakíu í kvöld en liðið leiddi 1-0 í hálfleik.
Lestu um leikinn: Slóvakía U21 3 - 1 Ísland
„Frábær fyrri hálfleikur, við vorum með leikinn undir control í seinni hálfleik en fáum svo á okkur þrjú mörk sem voru ansi ódýr."
Kolbeinn lék í framlínunni með Alfreð Finnbogasyni sem skoraði mark Íslands og samvinna þeirra gekk vel í dag.
„Já, bara frábært. Við höfðum marga möguleika frammi og Alfreð stóð sig vel í dag. Það er gott að hafa stóran hóp sem allir geta komið inn og gert gott."
Þegar Slóvenar jöfnuðu metin eftir klaufaskap í vörn Íslands datt leikurinn niður hjá íslenska liðinu.
„Við missum dampinn í leiknum, kannski gerist það í æfingaleikjum því það er minna undir þá, að menn gefa aðeins meira eftir. Við höfum ekki verið að ná úrslitum í æfingaleikjunum, sem betur fer gengur betur í alvöru leikjunum og það er aðal málið."
„Það jákvæða við þetta allt saman er að við erum að fá inn nýja leikmenn sem eru að standa sig mjög vel. Mér fannst Sverrir Ingi standa sig mjög vel í dag. Það er gott að vera með menn sem geta komið inn og fyllt skarðið ef einhverjir detta út. Í rauninni er þetta góð ferð þó við höfum tapað tveimur leikjum. Það hefur sýnt sig áður að við höfum tapað en við höfum komið sterkir til baka og unnið þessa mikilvægu leiki."
Athugasemdir