Halldór Björnsson, þjálfari U-17 ára landsliðsins viðurkenndi það fúslega að Þjóðverjar væru einu og jafnvel tveim númerum of stórir fyrir sitt lið í dag.
Þýskaland er eitt besta landslið heims í þessum árgangi og sást það á 7-2 sigri þeirra á strákunum okkar. Halldór var sáttur við að fá leik gegn jafn sterku liði.
Þýskaland er eitt besta landslið heims í þessum árgangi og sást það á 7-2 sigri þeirra á strákunum okkar. Halldór var sáttur við að fá leik gegn jafn sterku liði.
Lestu um leikinn: Ísland 2 - 7 Þýskaland
„Þeir eru einu eða tveim númerum of stórir fyrir okkur en það var gott fyrir okkur að fá að máta okkur við eitt besta U-17 ára landslið í heimi."
„Við eigum langt í land. Það er að trufla okkur að það eru tveir mánuðir síðan tímabilið kláraðist á meðan þeir eru á tímabilinu hjá sér. Það er svo gott að sjá hvað er langt í þá bestu."
Hann segir leikmenn með þessi gæði, bíði þeirra stráka sem komast út í atvinnumennsku.
„Okkar leikmenn vilja allir komast í atvinnumennsku og það er þetta sem bíður þeirra. Leikmenn á þessu kaliberi. Við þurfum að leggja mikið á okkur ef við ætlum að fara alla leið."
Þýskaland var sérstaklega sterkt í seinni hálfleik og unnu hann 3-0. Íslenska liðið fékk varla að snerta boltann á stórum köflum undir lok leiksins.
„Það sem við gerðum í seinni hálfleik var að gefa strákum fyrsta landsleikinn. Þeir fengu lærdóm í dag. Velkomnir í landsliðið strákar!"
Viðtalið má sjá í heild sinni hér að ofan.
Athugasemdir