Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 19. febrúar 2018 21:42
Ívan Guðjón Baldursson
Ítalía: Immobile tryggði langþráðan sigur Lazio
Immobile er markahæstur í ítölsku deildinni, með 22 mörk og 8 stoðsendingar. Mauro Icardi er í öðru sæti, með 18 mörk
Immobile er markahæstur í ítölsku deildinni, með 22 mörk og 8 stoðsendingar. Mauro Icardi er í öðru sæti, með 18 mörk
Mynd: Getty Images
Lazio 2 - 0 Verona
1-0 Ciro Immobile ('56)
2-0 Ciro Immobile ('60)

Lazio var búið að tapa fjórum leikjum af síðustu fimm þegar Hellas Verona kíkti í heimsókn í ítalska boltanum í kvöld.

Heimamenn mættu í leikinn af miklum krafti og áttu 22 skot í fyrri hálfleik án þess að boltinn færi inn. Staðan var því markalaus þegar lið gengu til búningsklefa.

Gestirnir frá Verona virtust öruggari í upphafi síðari hálfleiks en markamaskínan Ciro Immobile komst í gang og slökkti á vonum gestanna.

Immobile skoraði tvennu á fjórum mínútum og komust heimamenn nálægt því að bæta meira við en lokatölur voru 2-0.

Lazio komst yfir Inter og upp í fjórða sæti með sigrinum. Verona er sem fyrr á fallsvæðinu.
Athugasemdir
banner
banner