Kelvin Mellor, fyrrum leikmaður ÍBV, hefur verið valinn í lið tímabilsins í ensku D-deildinni.
Mellor skoraði tvö mörk í ellefu leikjum í Pepsi-deildinni með ÍBV á láni frá Crewe árið 2011.
Eftir að hafa leikið með Crewe og Plymouth þá er hinn 26 ára gami Mellor í dag á mála hjá Blackpool.
Mellor leikur í hægri bakverðinum hjá Blackpool og góð frammistaða hans í vetur hefur komið honum í lið tímabilsins.
Blackpool er í áttunda sæti í ensku D-deildinni en liðið hefur hrapað niður um nokkrar deildir undanfarin ár.
Tímabilið 2010/2011 spilaði Blackpool mjög skemmtilegan bolta í ensku úrvalsdeildinni undir stjórn Ian Holloway.
Liðið féll þó í lokaumferðinni eftir tap gegn Manchester United og síðan þá hefur lítið gengið upp hjá félaginu.
Hér að neðan má sjá lið ársins í ensku D-deildinni.
#EFLAwards: The @FootballManager Team of the Season for @SkyBetLeagueTwo 👇 pic.twitter.com/xyY3GLo8Z4
— Sky Bet League Two (@SkyBetLeagueTwo) March 20, 2017
Athugasemdir