Heimild: BBC
Chris Coleman, landsliðsþjálfari Wales, er bjartsýnn á það að stjörnuleikmaðurinn Gareth Bale verði heill heilsu þegar Walesverjar mæta Írlandi í undankeppni HM í mars.
Bale, sem er á mála hjá spænska stórliðinu Real Madrid, meiddist í Meistaradeildinni í vikunni. Hann fer í aðgerð á ökkla á þriðjudaginn, en búist er við því að hann verði frá í fjóra mánuði eftir það.
Bale, sem er á mála hjá spænska stórliðinu Real Madrid, meiddist í Meistaradeildinni í vikunni. Hann fer í aðgerð á ökkla á þriðjudaginn, en búist er við því að hann verði frá í fjóra mánuði eftir það.
„Ég er að vona að það verði frekar þrír mánuðir," sagði Coleman.
„Hann er algjör vél og líkamlega þá er hann í sérflokki. Við munum vita aðeins meira um þetta í næstu viku eða í vikunni þar á eftir."
Wales er í þriðja sæti síns riðils í undankeppni HM, en efstir eru Írar. Það er því mikilvægur leikur framundan í mars og því skiljanlegt að Coleman vilji hafa sinn besta leikmann þar.
Athugasemdir