„Við spiluðum mjög vel í fyrri hálfleik og eigum að vera búnir að klára leikinn í hálfleik, staðan hefði átt að vera tvö, þrjú núll og leikurinn í raun búinn," sagði Ian Jeffs eftir 1-1 jafntefli gegn Þrótti.
Lestu um leikinn: ÍBV 1 - 1 Þróttur R.
„Við vorum mjög góðir í fyrri hálfleik, ég held við höfum aldrei náð að skapa svona mikið af færum eins og við gerðum í dag, en í seinni hálfleik vantaði okkur sjálfstraust og við virkuðum hræddir," sagði Ian.
Aðspurður hvort Alfreð Elías og Ian myndu vera með áfram með liðið vissi hann lítið.
„Ég veit það ekki," sagði Ian. „Við sjáum til, það ætti að koma betur í ljós á morgun,"
„Okkar verkefni var að sjá um leikinn gegn Fylki, Víkingi og Þrótt í dag og svo eigum við eftir að tala betur saman um framhaldið,"
Viðtalið má sjá í heild sinni í spilaranum að ofan.
Athugasemdir