Jæja þá fer þetta að byrja. Gaman að sjá áhorfendur í stúkunni. Armenar gerðu samning við Rússa um Spútnik V svo það er allt í toppmálum hjá þeim. Allir vel bólusettir og hressir.

Ísland er aftur í varatreyjunni, hvít treyja, hvítar stuttbuxur og hvítir sokkar. Armenar rauðklæddir.

Þjóðsöngvarnir. Syngi'ði með! - Áberandi meira sungið af eldri leikmönnum landsliðsins.

2-0 fyrir Ísland er vinsælasta spáin. Ég henti þeirri spá í loftið í útvarpsþættinum í gær og Arnar Gunnlaugsson er með sömu spá í stofunni á RÚV.

Ragnar Sigurðsson meiddist í upphitun og Kári Árnason kemur inn í liðið. Þetta hefur verið staðfest.

Eitthvað meiðslavesen á Ragga Sig? Hann fór úr upphitun og að spjalla við lækni. Kári stökk inn í upphitun byrjunarliðsmanna. Bíðum og sjáum...

Það er ekki mjög íslenskt að gera sex breytingar á milli leikja...

"Mér finnst meira jafnvægi í heildarbrag liðsins í þessari uppstillingu. Leikmennirnir í dag gefa okkur meiri möguleika á því að vera sveigjanlegri," segir Arnar Gunnlaugsson í stofunni á RÚV.

Styttist í leik í Armeníu. Arnar Gunnlaugsson er spenntur fyrir liðsuppstillingu Íslands. pic.twitter.com/Fq6emLQEOg

— RÚV Íþróttir (@ruvithrottir) March 28, 2021

Þetta er í fjórða sinn sem þessi lið mætast. Fyrstu viðureignirnar voru leikir í undankeppni EM 2000 þar sem liðin gerðu markalaust jafntefli í Armeníu en Ísland vann 2-0 sigur á Laugardalsvelli. Íslenska liðið hafnaði í 4. sæti riðilsins með 15 stig og fékk aðeins á sig 7 mörk í leikjunum tíu. Armenía hafnaði sæti neðar með 8 stig, en Frakkar, Úkraínumenn og Rússar voru í efstu þremur sætunum. Ísland og Armenía mættust svo aftur árið 2008 í vináttuleik á Möltu, þar sem íslenska liðið hafði betur og vann með tveimur mörkum gegn engu.

Í fyrstu umferð undankeppni HM beið Ísland lægri hlut gegn Þýskalandi í Duisburg, en Armenía vann eins marks sigur á Liechtenstein á Rheinpark í Vaduz. Þá vann Rúmenía 3-2 sigur á Norður-Makedóníu í hörkuleik. Þjóðverjar, Rúmerar og Armenar eru því með 3 stig eftir fyrstu umferðina.

Þetta er stjóri Armena. Spánverjinn Joaquin Caparros er 65 ára gamall. Armenía hefur náð mjög góðum árangri að undanförnu og ekki tapað í síðustu leikjum sínum.

Það voru leikir gegn Eistlandi, Georgíu, Norður-Makedóníu og Liechtenstein. Liðið mætti Eistlandi og Georgíu tvisvar í Þjóðadeildinni. Í fjórum af þessum leikjum bar Armenía sigur úr býtum og tveir af þeim enduðu í jafntefli. Armenía vann sinn riðil í Þjóðadeildinni og mun spila í B-deild hennar næst þegar hún fer fram, ásamt Íslandi.

Okkar menn mættir

Það eru sex breytingar á byrjunarliði Íslands.

Hörður Björgvin Magnússon, Alfons Sampsted, Kári Árnason, Guðlaugur Victor Pálsson, Rúnar Már Sigurjónsson og Arnór Ingvi Traustason fara úr byrjunarliðinu frá leiknum gegn Þýskalandi.

Inn koma Ari Freyr Skúlason, Birkir Már Sævarsson, Ragnar Sigurðsson, Ari Freyr Skúlason, Arnór Sigurðsson og Albert Guðmundsson.

Það er snjólaust í Armeníu á leikdegi.

Skoðum aðeins inn í klefa Íslands:

Íslenski hópurinn skellti sér í stuttan göngutúr í morgun. Sjá fleiri myndir.

Hvað segir Tómas Ingi Tómasson?


"Við erum að fara að spila leik þar sem fólk heldur að við séum miklu betra liðið. Ég held að þetta sé jafnara en menn telja. Við erum orðin góðu vön og viljum meina að við séum miklu betra lið en Armenía," segir Tómas Ingi sem ræddi um landsliðin í útvarpsþættinum Fótbolti.net.

"Ef við ætlum okkur eitthvað í framtíðinni þá verðum við að vinna þessa leiki."

Tómas Ingi reiknar með því að Albert Guðmundsson og Jóhann Berg Guðmundsson komi inn í byrjunarliðið.

"Ég held að við eigum að vera með okkar leikmenn sem eru bestir á boltanum. Vonandi verðir Jói líka klár," segir Tómas.

Enginn Mkhitaryan
Bæði lið verða án síns besta manns; Armenía án Henrikh Mkhitaryan og Ísland án Gylfa Þórs Sigurðssonar.

Arnar Þór Viðarsson, landsliðsþjálfari, sagði á blaðamannafundi í dag að Armenía væri með mjög gott lið þrátt fyrir að það vanti þeirra stærstu stjörnu.

"Ég held að fólk verði að gera sér grein fyrir því að þetta lið er mjög gott og hefur náð góðum árangri undanfarið, sérstaklega á heimavelli. Leikurinn á móti Liechtenstein sýndi að þeir eru með gott lið. Þeir voru með yfirburði frá fyrstu mínútu til þeirrar síðustu," sagði Arnar.

Guðmundur Aðalsteinn skoðaði hvaða leikmenn Armeníu eru þeirra bestu menn í dag. Smelltu hér til að lesa greinina

Hlustaðu á útvarpsþáttinn #Fotboltinet meðan þú bíður eftir landsleikjum dagsins #fotboltinet https://t.co/P96VKzjEaS

— Fótbolti.net (@Fotboltinet) March 28, 2021

"Lykillinn að sigri er að við þurfum að spila okkar leik. Við þurfum að vera skipulagðir og þolinmóðir í vörn og sókn," sagði Aron Einar Gunnarsson landsliðsfyrirliði á fréttamannafundi fyrir leikinn.

"Við þurfum að halda boltanum betur og færa boltann hratt. Þetta er skipulagt lið sem við erum að fara að spila við og þeir eru með gott sjálfstraust eftir að hafa unnið fjóra af síðustu sex leikjum. Við þurfum að spila okkar leik og gera það almennilega. Við sköpum okkur alltaf færi og við þurfum að nýta þau."

Eftir að hafa byrjað margar undankeppnir á góðum úrslitum þá byrjaði Ísland undankeppni HM á tapi gegn Þýskalandi í fyrradag. Hefur Aron áhyggjur af því?

"Nei, nei. Við vitum að við þurfum að byrja undankeppni sterkt til að fá sjálfstraust inn í hópinn. Úrslitin voru klárlega ekki góð á móti Þýskalandi en við vissum að það yrði virkilega erfiður leikur. Það getur hver sem er tapað gegn Þjóðverjum á útivelli. Við þurfum að stíga upp. Við þurfum að búa til momentum sem við tökum áfram inn í undankeppnina og það er kjörið tækifæri til að gera það á morgun."

Það er orðið ansi langt síðan Ísland og Armenía áttust við á fótboltavellinum.

Samkvæmt vefsíðunni 11v11 hafa þjóðirnar mæst þrisvar sinnum í A-landsliðum karla.

Það voru tvær viðureignir í undankeppni EM 2000. Í Armeníu var niðurstaðan markalaust jafntefli en hér á Íslandi var 2-0 sigur niðurstaðan þar sem Ríkharður Daðason og Rúnar Kristinsson skoruðu mörk Íslands.

Síðasti leikurinn við Armeníu var hins vegar árið 2008 á æfingamóti á Möltu.

Það var fyrsti sigurinn í stjórnartíð Ólafs Jóhannessonar með liðið en fyrir þann leik hafði liðið tapað gegn Danmörku, Möltu og Hvíta-Rússlandi undir stjórn Ólafs.

Þarna kom fyrsti sigurinn. Í uppbótartíma fyrri hálfleiks náði íslenska liðið góðri sókn sem lauk með því að Tryggvi Guðmundsson skoraði af stuttu færi eftir góða sendingu frá Gunnari Heiðari Þorvaldssyni. Gunnar Heiðar var svo sjálfur á skotskónum þegar hann skoraði annað mark leiksins á 72 mínútur.

Það voru tveir leikmenn í liði Íslands sem spiluðu leikinn við Armeníu fyrir 13 árum síðan, sem eru í hópnum í dag. Það eru þeir Birkir Már Sævarsson og Ragnar Sigurðsson en þeir voru báðir í byrjunarliði. Þeir tveir hafa spilað stórt hlutverk í frábærum árangri Íslands undanfarin ár.

Æfing Íslands í gær fór fram við verulega snjókomu svo völlurinn var skjannahvítur og bættist stöðugt í.

Það verða 4000 áhorfendur á leiknum gegn Armeníu. UFEA leyfir 30% nýtingu vallarins en svo veltur það á aðgerðum ríkisins í hverju landi fyrir sig hvort áhorfendur megi vera á leikjum. Það má hér í landi.

Af íslenska liðinu er það annars að frétta að allir leikmenn æfðu á æfingunni í gær og eru klárir í leikinn. Þó eru tveir leikmenn á hættusvæði því í undankeppni HM þýða 2 gul spjöld leikbann. Kári Árnason og Albert Guðmundsson eru á gulu spjaldi.

Það verður albanskur dómari sem heldur um flautuna. Enea Jorgji heitir sá dómari og er 36 ára. Hann á þrjá Evrópudeildarleiki á ferlinum og þrjá leiki í undankeppni Meistaradeildarinnar.

Hann hefur ekki klifið hátt á listum FIFA en þess má geta að hann hefur einu sinni dæmd íslenskan landsleik. Það var U17 landsleikur gegn Rússlandi í milliriðli fyrir EM sem fram fór 2011. Rússar unnu 2-0 í leik þar sem Hjörtur Hermannsson var með fyrirliðaband Íslands. Tveir leikmenn íslenska liðsins fengu að líta rauða spjaldið; Oliver Sigurjónsson og Sindri Snæfells Kristinsson.

Góðan og gleðilegan daginn

Hér verður hitað upp fyrir landsleik Armeníu og Íslands í undankeppni HM, og svo mun bein textalýsing frá leiknum sjálfum fylgja beint í kjölfarið.

Í útvarpsþættinum Fótbolti.net á X977var sett saman líklegt byrjunarlið Íslands Leikið verður í Armeníu en þetta er annar leikur Íslands í undankeppni heimsmeistaramótins.



Fótbolti.net spáir því að Birkir Már Sævarsson og Ragnar Sigurðsson komi inn í vörnina. Jóhann Berg Guðmundsson gat tekið þátt í allri æfingu Íslands og mikilvægt að fá hann inn í liðið. Þá er því spáð að Albert Guðmundsson verði í fremstu víglínu.

Armenía vann 1-0 sigur gegn Liechtenstein í fyrstu umferðinni en liðið var betri aðilinn allan þann leik. Ísland tapaði 3-0 fyrir Þýskalandi.