KA
2
0
HK
Ásgeir Sigurgeirsson '29 1-0
Daníel Hafsteinsson '50 2-0
18.07.2021  -  16:00
Greifavöllurinn
Pepsi Max-deild karla
Aðstæður: 22° hiti, sólskin og örlítil gola. Mallorca veður!
Dómari: Egill Arnar Sigurþórsson
Áhorfendur: 985
Maður leiksins: Dusan Brkovic (KA)
Byrjunarlið:
13. Steinþór Már Auðunsson (m)
3. Dusan Brkovic
4. Rodrigo Gomes Mateo
7. Daníel Hafsteinsson ('87)
8. Sebastiaan Brebels ('46)
9. Elfar Árni Aðalsteinsson ('64)
10. Hallgrímur Mar Steingrímsson
11. Ásgeir Sigurgeirsson ('74)
14. Andri Fannar Stefánsson
20. Mikkel Qvist
27. Þorri Mar Þórisson

Varamenn:
33. Vladan Dogatovic (m)
2. Haukur Heiðar Hauksson
5. Ívar Örn Árnason
21. Nökkvi Þeyr Þórisson ('64)
23. Steinþór Freyr Þorsteinsson ('74)
30. Sveinn Margeir Hauksson ('46)
32. Kári Gautason
77. Bjarni Aðalsteinsson ('87)

Liðsstjórn:
Hallgrímur Jónasson (Þ)
Arnar Grétarsson (Þ)
Halldór Hermann Jónsson
Petar Ivancic
Branislav Radakovic
Steingrímur Örn Eiðsson

Gul spjöld:

Rauð spjöld:
Leik lokið!
KA vinna nokkuð þægilegan sigur á HK - svona fyrir rest. Eftir mark Daníels Hafsteinssonar virtist trú HK á verkefninu minnka með hverri mínútunni.

Næsti leikur KA er gegn Leikni Reykjavík, en HK-ingar mæta Völsurum.

Umfjöllun og viðtöl koma innan skamms.
93. mín
Leikurinn er bara að fjara út. KA menn munu ganga sælir og glaðir til búningsherbergja.
92. mín
Hallgrímur Mar í ágætis stöðu inni í vítateig HK en skot hans er blokkað.
90. mín
Uppbótartíminn er fjórar mínútur.
87. mín
Inn:Bjarni Aðalsteinsson (KA) Út:Daníel Hafsteinsson (KA)
Markaskorarinn Daníel Hafsteinsson kemur útaf og Bjarni Aðalsteinsson kemur inná.
84. mín
Lítið að ske. KA með boltann inná vallarhelmingi HK og ekkert að flýta sér.
78. mín
Valgeir á lúmskt skot í gegnum þvögu af varnarmönnum en skotið er beint á Steinþór í marki KA.
77. mín
Valgeir tekur Steinþór niður úti á hægri kantinum. Ekkert kemur úr aukaspyrnu Hallgríms.
75. mín
Inn:Örvar Eggertsson (HK) Út:Jón Arnar Barðdal (HK)
Örvar Eggertsson mætir til leiks og Jón Arnar þarf að víkja.
74. mín
Inn:Steinþór Freyr Þorsteinsson (KA) Út:Ásgeir Sigurgeirsson (KA)
Ásgeir haltrar útaf og stálmúsin Steinþór Freyr skokkar inná.
69. mín Gult spjald: Arnþór Ari Atlason (HK)
Ásgeir liggur óvígur eftir viðskipti við Arnþór Ara. Ásgeir komst framhjá Arnþóri sem leist ekkert á það og klippti KA manninn niður. Uppsker gult spjald fyrir.
64. mín
Inn:Nökkvi Þeyr Þórisson (KA) Út:Elfar Árni Aðalsteinsson (KA)
Elfar ekki mikið komist í boltann en það vantar aldrei uppá baráttuna.
61. mín
Hallgrímur Mar með lúmskt skot rétt framhjá markinu. Þessi leit sakleysislega út en Arnar Freyr virtist ekki vera alveg viss!
57. mín
Inn:Stefan Ljubicic (HK) Út:Ólafur Örn Eyjólfsson (HK)
Þá mæta drengirnir til leiks.
57. mín
Inn:Birnir Snær Ingason (HK) Út:Ásgeir Marteinsson (HK)
Þá mæta drengirnir til leiks.
57. mín
Birnir Snær og Stefan Alexander eru að gera sig klára í að koma inná fyrir HK.
53. mín
Ágætis sókn HK endar með því að Arnþór Ari kemst inn í teig KA af vinstri kantinum og á fast skot en hann sneiðir boltann örlítið og hann fer nokkuð langt framhjá.
50. mín MARK!
Daníel Hafsteinsson (KA)
STÓRGLÆSILEGT MARK!!!

Andri Fannar á fyrirgjöf frá vinstri kantinum sem ætluð er Hallgrími Mar, þar nær Rauschenberg að skalla boltann í burtu en boltinn dettur beint fyrir fætur Daníels á vítateigslínunni og Daníel gjörsamlega þrumar boltanum framhjá Arnari í markinu. 2-0!
46. mín
Steinþór þarf að taka á honum stóra sínum strax í upphafi! Jón Arnar Barðdal á fast skot með vinstri úr þröngri stöðu sem að Steinþór slær til hliðar.
46. mín
Inn:Sveinn Margeir Hauksson (KA) Út:Sebastiaan Brebels (KA)
Brebels skipt útaf í hálfleik.
46. mín
Seinni hálfleikur hafinn

Við erum komin aftur á stað!
45. mín
Hálfleikur
Þá flautar Egill til hálfleiks. Tíðindalítill fyrri hálfleikur í steikjandi hita á Greifavellinum.

KA menn leiða eftir frábæra afgreiðslu Ásgeirs Sigurgeirssonar, en jafnræði hefur verið með liðunum og það verður áhugavert að sjá hvernig seinni hálfleikurinn þróast.
45. mín
Ásgeir Marteinsson nálægt því að sleppa í gegn en nær ekki að koma boltanum fyrir sig og Dusan mætir á svæðið til að koma boltanum í burtu.
40. mín
Nú fá gestirnir aukaspyrnu úti á hægri kanti. Ásgeir Marteinsson býr sig undir að taka spyrnuna. Dusan skallar hana í burtu og sókn HK rennur út í sandinn.
35. mín
HK-ingar komast í skyndisókn en Steinþór er mættur á hárréttu augnabliki til að hirða boltann af Jóni Arnari.
34. mín
KA menn næla í aukaspyrnu úti á vinstri kantinum. Hallgrímur Mar stendur yfir boltanum.
30. mín
Brynjar Björn Gunnarsson verður allt annað en sáttur með varnarvinnu sinna manna í þessu marki. Einföld aukaspyrna sem galopnar vörn gestanna.
29. mín MARK!
Ásgeir Sigurgeirsson (KA)
Stoðsending: Dusan Brkovic
KA MENN ERU KOMNIR YFIR!

Dusan Brkovic tekur aukaspyrnu aftur fyrir vörn HK og þar mætir Ásgeir og gjörsamlega lúðrar boltanum upp í fjærskeytin! 1-0!
28. mín Gult spjald: Atli Arnarson (HK)
Stoppar Ásgeir á blússandi siglingu í skyndisókn.
28. mín
Mikil stöðubarátta og ákaflega lítið um opnanir.
22. mín
Hallgrímur Mar fær hornspyrnu eftir fína skyndisókn hjá KA. Hann hafði meiri tíma og hefði mögulega getað farið bara nær vítateignum. Lítið kemur úr horninu.
19. mín
Valgeir Valgeirsson liggur eftir samskipti við Steinþór. Steinþór hafði komið langt útúr markinu til að hreinsa boltann, náði að renna sér og tækla boltann útaf rétt áður en Valgeir náði valdi á boltanum.
17. mín
Steinþór Már var full rólegur á boltanum og Jón Arnar náði að pota boltanum af honum. KA menn voru þó fljótir að koma sér í stöðu og ekkert varð úr þessu hjá HK.
15. mín
Atli Arnarson vinnur hornspyrnu af miklu harðfylgi eftir langa baráttu úti við hornfána við Mikkel Qvist. Ásgeir Marteinsson fær aðra hornspyrnu í kjölfarið.
14. mín
Steinþór Már er rétt á undan Jóni Arnari í háan bolta inná teig. HK heimta vítaspyrnu en dómari leiksins, Egill Arnar Sigurþórsson, hristir bara hausinn.
10. mín
Arnar Freyr virtist eitt augnablik hafa misreiknað fyrirgjöf Andra Fannars, sem stefndi í fjærhornið, en grípur boltann.
10. mín
KA menn eru að ná betri tökum á leiknum og fá hér aðra hornspyrnu...
7. mín
HK bjarga á línu! Hornspyrna Hallgríms ratar beint á kollinn á Dusan Brkovic á fjærstönginni, hann skallar að marki en boltinn er skallaður aftur fyrir. Sá ekki hver bjargaði gestunum fyrir horn.
6. mín
Daníel Hafsteinsson kemst í ágætis færi! Ásgeir gerir vel í að koma boltanum á hann innan teigs, Daníel tékkar inn og reynir skot með vinstri sem er blokkað í horn.
5. mín
Gestirnir fara betur af stað og eru á undan í flesta bolta. KA mönnum hefur gengið brösuglega að halda í boltann.
1. mín
Leikur hafinn
HK-ingar koma þessu í gang.
Fyrir leik
Korter í leik og aðstæður eru gjörsamlega frábærar - ef frá er talinn blessaður völlurinn. Sólin skín, það er varla ský á himni og hitastigið nálgast 30 gráður óðfluga.
Fyrir leik
Byrjunarliðin eru komin inn.

Mikkel Qvist og Andri Fannar Stefánsson koma inn í lið KA fyrir þá Hauk Heiðar Hauksson og Jonathan Hendrickx. Haukur fer á bekkinn en Hendrickx er ekki í hóp.

Brynjar Björn Gunnarsson, þjálfari HK, gerir þrjár breytingar á liðinu en Leifur Andri Leifsson, Valgeir Valgeirsson og Ásgeir Marteinsson koma allir inn í startið.

Birnir Snær Ingason, Stefán Ljubicic og Ívar Örn Jónsson detta allir úr liðinu.
Elvar Geir Magnússon
Fyrir leik
Brynjar Ingi Bjarnason, sem að KA seldi nýverið til Lecce fer vel af stað með nýja liðinu sínu.

Miðvörðurinn ungi gerði sér lítið fyrir og skoraði tvíegis gegn USD Sinigo í æfingaleik. Ítalska liðið pungaði út u.þ.b. 45 milljónum íslenskra króna fyrir Brynjar og voru væntanlega hrifnir af því sem að þeir sáu.


Fyrir leik
Heimamenn í KA sitja nú í 5. sæti deildarinnar með 17 stig, en liðið hefur einungis náð í eitt stig úr síðustu þremur deildarleikjum liðsins. Nú síðast töpuðu þeir 2-1 fyrir Fylkismönnum í Árbæ, þar sem að KA áttu tvö stangarskot á síðustu mínútum leiksins.

HK hafa verið á örlítið skárra skriði en uppskera þeirra úr síðustu þremur leikjum er 4 stig. Þeir koma til Akureyrar eftir að hafa gert markalaust jafntefli við Víking R. í síðustu umferð. HK vermir 11. sæti deildarinnar.

Lárus Guðmundsson, fyrrum atvinnumaður í knattspyrnu, liggur sjaldnast á skoðunum sínum og sagði þann leik hafa verið skelfilegan.

,,Menn þurfa að rífa sig í gang, get ekki ímyndað mér að stuðningsmenn nenni að mæta til að horfa á endalaust hnoð og planlaust moð."
Fyrir leik
Það bárust heldur leiðinlegar fréttir á föstudaginn síðasta þegar Hrannar Björn Steingrímsson, bakvörður KA, staðfesti í viðtali við Fótbolta.net að hann væri með slitið krossband og tímabilinu því lokið hjá þeim öfluga leikmanni.

Þó að áfallið sé mikið að þá ætlar Hrannar sér að taka meiðslin föstum tökum.

,,Ég vonast eftir því að komast í aðgerð sem allra, allra fyrst svo að maður verði klár í næsta tímabil."


Fyrir leik
Góðan daginn! Hér fer fram textalýsing á leik KA og HK í Pepsi Max-deild karla.

Leikið er á Greifavellinum á Akureyri, en völlurinn sá hefur mikið verið á milli tannanna á fólki. KA hefur undanfarið leikið sína heimaleiki á gervigrasvellinum á Dalvík, en drengirnir úr Kópavogi verða nú þess heiðurs aðnjótandi að taka þátt í opnunarleik Greifavallarins þetta sumarið.
Byrjunarlið:
25. Arnar Freyr Ólafsson (m)
4. Leifur Andri Leifsson (f)
5. Guðmundur Þór Júlíusson (f)
6. Birkir Valur Jónsson
8. Arnþór Ari Atlason
10. Ásgeir Marteinsson ('57)
11. Ólafur Örn Eyjólfsson ('57)
17. Valgeir Valgeirsson
17. Jón Arnar Barðdal ('75)
18. Atli Arnarson
28. Martin Rauschenberg

Varamenn:
2. Ásgeir Börkur Ásgeirsson
7. Birnir Snær Ingason ('57)
7. Örvar Eggertsson ('75)
14. Bjarni Páll Linnet Runólfsson
21. Ívar Örn Jónsson
30. Stefan Ljubicic ('57)

Liðsstjórn:
Brynjar Björn Gunnarsson (Þ)
Bjarni Gunnarsson
Gunnþór Hermannsson
Viktor Bjarki Arnarsson
Alma Rún Kristmannsdóttir
Sandor Matus
Birkir Örn Arnarsson
Ólafur Örn Ásgeirsson

Gul spjöld:
Atli Arnarson ('28)
Arnþór Ari Atlason ('69)

Rauð spjöld: