Þessi 21 árs varnarmaður KA hefur verið frábær í Pepsi Max-deildinni í sumar og lék sína fyrstu A-landsleiki nýlega.

Fjallað hefur verið um það í ítölskum fjölmiðlum að Lecce borgi 45 milljónir króna fyrir Brynjar Inga, auk þess sem klásúla er um prósentur af næstu sölu.

Brynjar skrifar undir þriggja ára samning við Lecce og möguleiki er á því að framlengja hann svo um tvö ár.

Lecce hafnaði í fjórða sæti ítölsku B-deildarinnar á liðnu tímabili en liðið féll úr efstu deild á síðasta ári.

Þetta er spennandi skref fyrir Brynjar sem hefur bætt sig mikið á undanförnum mánuðum.