Þjóðsöngvarnir eru að baki í Kaliforníu og þá er hægt að hefja leik. Hressir að fá þessa beinu útsendingu úr sólinni... svona rétt áður en þessi spennandi appelsínugula viðvörun hellist yfir okkur hér á Íslandi.

Skoraði sjálfsmarkaþrennu í fyrri hálfleik
Í hinum leiknum í 2. umferð SheBelieves Cup unnu Bandaríkin ansi öruggan 5-0 sigur gegn Nýja Sjálandi. Þeim leik var að ljúka en hans verður helst minnst fyrir það að Meikayla Moore, varnarmaður Nýja-Sjálands, skoraði þrjú sjálfsmörk í fyrri hálfleik. Hún var svo tekin af velli í hálfleiknum.

Ísland vann 1-0 sigur gegn Nýja-Sjálandi í fyrstu umferðinni og því er staðan þessi:

1. Bandaríkin 4 stig eftir 2 leiki
2. Ísland 3 stig eftir 1 leik
3. Tékkland 1 stig eftir 1 leik
4. Nýja Sjáland 0 stig eftir tvo leiki

Tíu breytingar gerðar
Tékkland gerði jafntefli gegn Bandaríkjunum, besta landsliði í heimi, í fyrsta leik sínum á mótinu. Þetta kemur því til með að vera erfiður leikur.

Búið er að opinbera byrjunarlið Íslands fyrir leikinn. Það eru tíu breytingar á liðinu frá fyrsta leiknum gegn Nýja-Sjálandi. Þar vann Ísland 1-0 sigur.

Eini leikmaðurinn sem heldur sæti sínu í byrjunarliðinu er Karólína Lea Vilhjálmsdóttir, leikmaður Bayern München. Elísa Viðarsdóttir er með fyrirliðabandið og Telma Ívarsdóttir, markvörður Breiðabliks, leikur sinn fyrsta A-landsleik.

Byrjunarliðið er útgefið.

Byrjunarlið Íslands gegn Tékklandi á SheBelieves Cup.

Bein útsending á Viaplay kl. 23:20 að íslenskum tíma.

Our starting lineup against the Czech Republic in the SheBelieves Cup.#dottir pic.twitter.com/7oCdahbWa5

— Knattspyrnusambandið (@footballiceland) February 20, 2022

Hér er viðtal við Svövu Rós Guðmundsdóttur sem tekið var í gær:

Svava Rós Guðmundsdóttir var tekin tali í dag, en Ísland mætir Tékklandi á SheBelieves Cup á morgun, sunnudaginn 20. október.

Leikurinn hefst kl. 23:20 að íslenskum tíma í beinni útsendingu á Viaplay.#dottir pic.twitter.com/tsW4bhyMCF

— Knattspyrnusambandið (@footballiceland) February 19, 2022

Natasha Anasi, leikmaður íslenska kvennalandsliðsins, er spennt fyrir leiknum gegn Tékklandi en þessi ferð er afar þýðingarmikil fyrir hana persónulega.

Natasha er fædd og uppalin í Bandaríkjunum en kom til Íslands árið 2014 og spilaði fyrir ÍBV í tvö ár áður en hún gekk til liðs við Keflavík árið 2016. Hún var í algeru lykilhlutverki hjá Keflvíkingum og var með betri leikmönnum deildarinnar áður en hún samdi við Breiðablik á síðasta ári.

Natasha fékk íslenskan ríkisborgararétt árið 2019 og spilaði svo sinn fyrsta landsleik í mars fyrir tveimur árum, en það er sérstakt fyrir hana að vera komin til Bandaríkjanna.

"Mér líst mjög vel á leikinn og hann er búinn að segja að við ætlum að gera margar breytingar á milli leikja. Ég held að Tékkar munu gera það líka. Það er fínt að gera það og mæla okkur á móti þeim og sjá hvernig við erum að spila og svona."

"Já, við erum alltaf að hugsa um sigur en fyrst og fremst hvernig við erum að standa okkur og spila í leiknum. Það er geggjað ef við getum náð sigri líka. Þetta er geggjað. Ég er í draumastöðu og koma aftur heim og fá nokkra úr fjölskyldunni í heimsókn líka. Þannig þetta er draumastaða," segir hún en hægt er að horfa á viðtalið með því að smella hérna.

Gleðilegan konudag!
Fótbolti.net óskar öllum konum heims til hamingju með konudaginn. Það voru rauðar róskir á hóteli íslenska liðsins í dag í tilefni dagsins.

Við fylgjum ykkur inn í nóttina!

Klukkan 23:20 hefst annar leikur kvennalandsliðsins á SheBelieves Cup æfingamótinu í Bandaríkjunum. Aftur leika okkar stelpur í Kaliforníu og mótherjann þekkjum við vel.

Ísland og Tékkland hafa mæst fimm sinnum áður í A landsliðum kvenna og hefur íslenska liðið unnið einu sinni, fjögurra marka sigur sem kom á Laugardalsvellinum í undankeppni HM í október. Liðin mætast svo aftur í apríl, og þá í Tékklandi.

Leikurinn verður í beinni útsendingu á Viaplay.

Síðasta umferð æfingamótsins verður svo leikin á Toyota Stadium í Dallas, Texas. Ísland mun mæta heimakonum í Bandaríkjunum klukkan 2 aðfaranótt fimmtudags.