Þetta fer að hefjast Liðin ganga inn á völlinn og Karítas Tómasdóttir er heiðruð fyrir 100 leiki með Breiðabliki, en leikurinn hennar gegn Víkingi var hennar 100. leikur fyrir félagið.

Tryllt techno Hey hey hey we say ho ho ho með Mercedes Club á fullu blasti á meðan liðin hita upp. Rjómablíða í Smáranum núna þannig við hvetjum alla til að skella sér á völlinn!

Liðin í 1. og 3. sæti. Breiðablik er sem stendur í 1. sæti Bestu deildarinnar og Þór/KA í því þriðja, en Þór/KA getur ekki endað tímabilið ofar en 3. sæti eða neðar en 4.

Kópavogsvöllur er staðurinn Góðan og gleðilegan gameday kæru lesendur og velkomin í þessa beinu textalýsingu frá Kópavogsvelli í 3. umferð úrslitakeppninnar í Bestu deild kvenna.

Hér í dag mætast Breiðablik og Þór/KA, en liðin eru, eins og gefur að skilja, bæði í efri hluta deildarinnar.

Byrjum að sjálfsögðu á að óska helming Þórs/KA til hamingju með bikarmeistaratitil karla sem KA vann á Laugardalsvelli í gær.