Staðan í deildinni um þessar mundir.
KR og Vestri gerðu jafntefli fyrr í dag.

Tölfræðimolinn: Á þessu tímabili hafa liðin auðvitað mæst tvisvar í hefðbundinni deildarkeppni, hér á Lambhagavellinum sigruðu heimamenn 2-1 í fyrri leik liðanna í sumar. Í Árbænum endaði leikurinn svo 0-0 í líklega leiðinlegasta leik ársins, í öllum deildum, í öllum keppnum, í öllum heiminum.

Ef við gröfum upp tölfræði alla leið aftur til aldamóta þá kemur hún betur út fyrir Fylkismenn, eða:
62 leikir í öllum keppnum.
Fram sigrar: 16 (26%)
Jafntefli: 17 (27%)
Fylkir sigrar: 29 (47%)

Teymið! Gunnar Freyr Róbertsson, sem hefur verið að stíga sín fyrstu skref með flautuna í Bestu deildinni, fær það verkefni að stjórna umferðinni í dag. Honum til halds og trausts verða Þórður Arnar og Bergur Daði með flöggin og Jóhann Ingi með skiltið.

Eftirlitmaðurinn er svo Halldór Breiðfjörð.

Öskjuslagurinn! Ég myndi helst vilja blása upp smá nágrannaríg milli þessara félaga þó svo að það hafi aldrei verið neinn slagur á milli liðanna í sögulegu samhengi, þá eru Fram-arar þó fluttir í næsta úthverfi við Árbæinn og er bílaumboðið Askja staðsett mitt á milli hverfanna.

Góða kvöldið! Og verið velkomin í beina textalýsingu frá leik Fram og Fylkis í neðri hluta Bestu deildar karla sem fram fer hér á Lambhagavellinum, eða Estadio El Salat eins og sumir kjósa að kalla hann.