SKÝRSLAN: Iðnaðarsigur Hauka gegn KA á Akureyri
Hvað réði úrslitum?
Barátta Hauka. Það vissu allir hvert upplegg Hauka var í þessum leik. Sitja djúpt og beita skyndisóknum og það tókst. KA-mönnum gekk illa að skapa færi og Haukar skoruðu úr nánast eina opna færinu sem þeir fengu í leiknum.
Bestu leikmenn
1. Gunnlaugur Fannar Guðmundsson
Það er í raun hægt að velja alla þrjá miðverði Hauka hérna. Allt liðið spilaði vel en miðverðirnir sérstaklega. Gunnlaugur spilaði mjög vel í miðri vörninni og var sífelt að sópa upp sóknir KA-manna.
2. Gunnar Gunnarsson
Gunnar spilaði einnig virkilega vel í vörn Haukamanna. Átti nokkrar virkilega mikilvægar tæklingar.
Atvikið
Markvarsla Terrance Dieterich frá Davíð Rúnari. á 88.mínútu leiksins náði Davíð Rúnar fínum skalla frá markteig sem Terrance varði meistaralega. Bjargaði tveimur stigum með þessari markvörslu.
Hvað þýða úrslitin?
KA-menn eru þrátt fyrir tapið ennþá í toppsæti deildarinnar. Haukar ná hinsvegar gríðarlega mikilvægum stigum í botnbaráttunni. Sitja nú í 10.sæti með 14 stig. Það er gríðarlega þéttur pakki þarna niðri og hvert stig skiptir máli.
Vondur dagur
Haukur Hilmarsson. Kom inná á 85.mínútu og var rekinn útaf á 90.mínútu. Hafði sem betur fer fyrir hann ekki áhrif á úrslitin. Sama hvað mönnum finnst um rauða spjaldið var algjör óþarfi að henda sér í tækingu í miðjum teig KA-manna.
Dómarinn - 6
Ívar Orri dæmdi þennan leik ekkert sérstaklega í dag. Hafði ekki stór áhrif á úrslit leiksins en heit yfir var dómgæslan ekki góð. Einfaldir hlutir eins og innköst að klikka.