SKÝRSLAN: Ekkert mál fyrir Veigar Pál
Hvað réði úrslitum?
Stjarnan var í stuði í dag á meðan vængbrotnir Ólafsvíkingar virkuðu vonlitlir. Veigar Páll Gunnarsson átti frábæra innkomu og skoraði tvö mörk eftir að hafa komið inn á fyrir Hilmar Árna Halldórsson sem meiddist í fyrri hálfleiknum.
Bestu leikmenn
1. Veigar Páll Gunnarsson
Veigar gæti hafa spilað síðasta leikinn með uppeldisfélagi sínu í dag. Það var þá alvöru kveðjuleikur á heimavelli. Tvö mörk og frábær frammistaða í 4-1 sigri.
2. Guðjón Baldvinsson
Lagði upp tvö mörk og var ógnandi í þann rúma klukkutíma sem hann spilaði.
Atvikið
Á 66. mínútu gerðu Stjarnan og Víkingur sitthvora skiptinguna vegna meiðsla. Þriðja liðið gerði líka skiptingu því að Þóroddur fór meiddur af velli og Sigurður Óli Þorleifsson tók stöðu hans. Þrjár mismunandi skiptingar á sama augnablikinu.
Hvað þýða úrslitin?
Stjarnan endar í 2. sæti Pepsi-deildarinnar sem næstbesti árangurinn í sögu félagsins. Evrópukeppni á næsta ári. Ólafsvíkingar héldu sæti sínu á magnaðan hátt þrátt fyrir að vinna ekki leik í seinni umferðinni og fá einungis fjögur stig í síðustu þrettán leikjunum.
Vondur dagur
Margir leikmenn Ólafsvíkinga hafa átt betri dag og þá sérstaklega Pontus Nordenberg. Pontus var dæmdur í bann í vikunni en mátti spila eftir áfrýjun. Hann hefði jafnvel verið betur settur í banni. Var heppinn að sleppa með rautt spjald í fyrri hálfleik. Svíinn skildi síðan oft eftir sig mikið svæði í síðari hálfleik sem Stjörnumenn nýttu sér.
Dómarinn - 7
Hefði mögulega mátt reka Pontus af velli fyrir ljóta tæklingu í fyrri hálfleik. Vítaspyrnudómurinn var réttur. Sigurður Óli kom síðan inn á eftir að Þóroddur meiddist og skilaði sínu vel.