SKÝRSLAN: Meistaraheppni skilar jafntefli
Hvað réði úrslitum?
FH fékk víti undir lok leiks eftir klaufaleg mistök Avni Pepa. Fékk hann boltann í höndina og Vilhjálmur Alvar dæmdi víti. Svekkjandi fyrir Eyjamenn sem virtust ætla að landa sigri.
Bestu leikmenn
1. Devon Már Griffin
Var frábær í vörn Eyjamanna í dag og skoraði gull af marki. Flottur leikur hjá þessum 19 ára Eyjamanni.
2. Sam Hewson
Var bestur í liði FH í dag.
Atvikið
Eftir að flautað var til loka fyrri hálfleiks var mikill hiti í teig Eyjamanna. Avni Pepa og Kassim voru mjög æstir og voru ásakanir á netheimum um að Kassim hefði skallað Pepa. Vilhjálmur gaf báðum gult og koðnaði hitinn niður.
Hvað þýða úrslitin?
Ekki neitt í rauninni. FH var orðið meistari og ÍBV var svo sem búið að bjarga sér frá falli. ÍBV endar í 9. sæti, því sama og liðið var í fyrir umferðina.
Vondur dagur
Atlarnir voru slakir í dag. Fóru báðir af velli eftir að hafa gert ákaflega lítið.
Dómarinn - 9
Flottur leikur hjá þessum góða dómara.