SKÝRSLAN: KR náði Evrópusætinu en Fylkir féll í leiðinni
Hvað réði úrslitum?
KR-ingar eru mikið betra lið en Fylkir og það sást hreinlega. Þeim hefur gengið betur undanfarið og úrslitin í dag voru aldrei spurning.
Bestu leikmenn
1. Denis Fazlagic
Fazlagic hefur náð að blómstra undir stjórn Willum eftir erfiða byrjun. Hann skoraði eitt og lagði upp eitt í dag og átti mjög góðan leik.
2. Kennie Chopart
Var sprækastur í fyrri hálfleik og réði Fylkir illa við hann og var hann oftar en einu sinni og oftar en tvisvar nálægt því að skora. Það dró aðeins af honum í seinni hálfleik en heilt yfir mjög góður leikur.
Atvikið
Um leið og KR skoraði fyrsta markið voru úrslitin aldrei nokkur spurning.
Hvað þýða úrslitin?
KR-ingar ná Evrópusæti efir ótrúlegan endasprett á meðan Fylkir fellur úr deildinni.
Vondur dagur
Hermann Hreiðarsson féll oftar en einu sinni og oftar en tvisvar sem leikmaður og svo núna sem þjálfari. Mjög vont fyrsta heila tímabil með Fylki sem hefur spilað í efstu deild í háa herrans tíð og er þetta því mikið áfall í Árbænum.
Dómarinn - 7.5
Gunnar Jarl átti mjög fínan leik, sem er gott, sérstaklega í ljósi þess að hann fékk viðurkenningu fyrir leik sem dómari ársins en leikmenn deildarinnar stóðu fyrir valinu.