SKÝRSLAN: Víkingar sigruðu í kveðjuleik Halls
Hvað réði úrslitum?
Góð spilamennska Víkinga heilt yfir. Gripu leikinn og héldu tökum á honum nánast allar 90 mínúturnar
Bestu leikmenn
1. Ívar Örn Jónsson
Flottur á miðjunni í dag. Dreifði spili Víkinga vel og kórónaði frammistöðu sína með gullfallegu marki af rúmlega 25 metra færi.
2. Arnþór Ingi Kristinsson
Var beittur í dag og skilaði góðum árásargjörnum hlaupum inn í markteig Þróttar og var alltaf líklegur á meðan hann var inn á vellinum. Skoraði gott mark eftir góðan undirbúning Óttars.
Atvikið
Sigurmark Ívars Arnar var ekki af verri endanum. Fær boltann fyrir utan teig og þegar drengurinn mundar þennan vinstri fót þá getur hreinlega allt gerst. Tæknilega frábær spyrna sem söng svo fallega í netmöskvum Þróttaramarksins
Hvað þýða úrslitin?
Úrslitin hafa litla þýðingu aðra en að marka endalok tímabilsins. Víkingar fara í 32.stig sem er þeirra besti árangur stigalega séð en skilar aðeins 7.sæti deildarinnar. Jafnframt unnu þeir sinn fyrsta útisigur síðan 22.maí í Vestmannaeyjum
Vondur dagur
Finnur Ólafsson - var í vandræðum á miðssvæðinu í dag og skilaði litlu til liðsins
Baldvin Sturluson - Var í basli með boltann og sóknarmenn Víkinga, tekinn útaf í hálfleik.
Baldvin Sturluson - Var í basli með boltann og sóknarmenn Víkinga, tekinn útaf í hálfleik.
Dómarinn - 9
Pétur Guðmundsson var með tökin allan tímann. Röggsamur og með sitt á hreinu