SKÝRSLAN: Markalaust á Víkingsvelli
Hvað réði úrslitum?
Liðin nýttu einfaldlega bara ekki færin sem að þau fengu. Skagamenn voru betri í þessum leik og mega vera hundfúlir að fara heim til Akranes með aðeins eitt stig.
Bestu leikmenn
1. Þórður Þorsteinn Þórðarson
Það var þannig séð enginn áberandi bestur í þessum leik en ég ætla að gefa Þórði þetta þar sem að mikil hætta skapaðist oft á tíðum eftir spyrnur hans.
2. Steinar Þorsteinsson
Var flottur fram á við og var mjög nálægt því að skora tvisvar sinnum.
Atvikið
Í lok leiks lá Arnþór Ingi meiddur á vellinum og Nicolaj Hansen beið eftir að Vilhjálmur myndi stöðva leikinn. Vilhjálmur var hins vegar ekkert á því að flauta og Viktor Örn tók boltann af Nicolaj Hansen og komst í fínt færi. Leikmenn og stuðningsmenn Víkings voru ekki hrifnir af þessu og létu Viktor heyra það í kjölfarið.
Hvað þýða úrslitin?
Skagamenn voru fallnir fyrir leikinn þannig að ekkert hefur breyst í þeim efnum. Víkingar sitja hins vegar í 8.sæti deildarinnar og eru öruggir með sæti sitt í Pepsi deildinni að ári.
Vondur dagur
Geoffery Castillion komst ekki mikið í takt við leikinn í dag. Varnarmenn ÍA pössuðu vel uppá hann í dag.
Dómarinn - 7
Vilhjálmur var bara fínn í dag. Lítið yfir honum að kvarta.