SKÝRSLAN: Valsmenn sáttari á koddann - Uppskera KR rýr
Hvað réði úrslitum?
KR-ingar voru betri lengst af fyrri hálfleiks en gera svo skelfileg mistök í uppbótartíma hálfleiksins. Ná ekki að nýta sér að vera manni fleiri stóran hluta seinni hálfleiksins. Kunnugleg saga hjá KR.
Bestu leikmenn
1. Kennie Chopart (KR)
Chopart var mjög líflegur í kvöld og skoraði mark KR með laglegu \'slútti\'.
2. Birkir Már Sævarsson (Valur)
Var eins og hættulegur vængmaður í leiknum.
Atvikið
Engin hætta virtist á ferðum áður en Valur jafnaði í uppbótartíma fyrri hálfleiks. Gjöf frá KR-ingum og atvik sem Beitir í markinu vill gleyma sem fyrst.
Hvað þýða úrslitin?
KR-ingar eru með sama stigafjölda og þeir voru með á sama tímapunkti í fyrra. Stigið gerir lítið fyrir þá. Liðið er langt frá toppnum. Miðað við þróun leiksins geta Valsmenn verið sáttir með niðurstöðuna.
Vondur dagur
Eiður lætur reka sig af velli, Watson og Beitir gera slæm mistök, áfram heldur Óskar Örn að vera langt frá sínu besta og Sigurður Egill var varla þátttakandi.
Dómarinn - 8,5
Mjög góð frammistaða hjá Pétri löggu í kvöld.