Það verður spennandi að sjá hvernig Kenan Turudija og Hrvoje Tokic standi sig í dag en þeir hafa báðir leikið fyrir Víkings liðið í gegnum tíðina. Kenan Turudija var hjá liðinu í þrjú ár og lék með liðinu alls 59 leiki í deild og bikar. Þar á meðal 34 í efstu deild. Hrvoje Tokic lék einnig með liðinu eitt og hálft tímabil og á að baki 29 leiki með Víkingum þar sem hann skoraði 21 mark áður en Tokic hélt til Breiðabliks.

Tokic kom fyrst til liðsins um mitt tímabil árið 2015 og lék þá 8 leiki með liðinu í 1. deildinni og skoraði í þeim leikjum 12 mörk.

Víkingar eru staddir í þriðja sæti deildarinnar. Tveimur stigum frá Skagamönnum sem sitja á toppi deildarinnar. Með sigri í kvöld kemst liðið í toppsætið tímabundið en Skagamenn eiga leik á morgun. Einnig eiga HK leik á morgun og geta þá komist aftur uppfyrir Víkinga takist Ólsurum að vinna í dag.

Selfoss hins vegar situr á botni deildarinnar eftir að hafa tapað síðustu 4 leikjum sínum í deildinni. Í síðustu umferð tapaði liðið fyrir Magna fyrir norðan. Takist sunnanmönnum að sigra í kvöld geta þeir tekist á flug og farið alla leið upp í 9 sæti

Leikurinn í kvöld er sá fyrsti í 16 umferð en restin af umferðinni fer fram á morgun, Þriðjudaginn 14. ágúst. Ástæðan fyrir því að þessi leikur fer fram degi fyrr er sú að heimalið kvöldsins, Víkingur Ólafsvík á leik á Fimmtudaginn næsta í undanúrslitum Mjólkurbikarsins þar sem liðið fer í heimsókn í Kópavoginn þar sem lærissveinar Ejubs mæta Breiðablik um sæti í úrslitum Bikarkeppninar

Góðan og margblessaðan daginn kæru lesendur fótbolta.net og verið hjartanlega velkomin í þráðbeina textalýsingu á leik Víkings Ólafsvíkur og Selfoss í 16 umferð Inkasso-Deildar karla í knattspyrnu