SKÝRSLAN: Allt vitlaust eftir 3-2 sigur FH á KA í dramatískum leik
Hvað réði úrslitum?
Erfitt að segja til um það í þessum leik. KA virtist vera með leikinn í höndum sér áður en Torfi fær á sig vítið og þá kviknaði á FH-ingum sem kláruðu leikinn eftir það.
Bestu leikmenn
1. Halldór Orri Björnsson
Halldór Orri skorar tvö mörk í þessum leik og var mjög ógnandi oft á tíðum, klárar færin sín vel og vinnur leikinn fyrir FH.
2. Hallgrímur Mar Steingrímsson
Það gerist allt í gegnum Grímsa hjá KA, Pétur Viðars réði ekkert við hann í dag. Skoraði glæsilegt aukaspyrnumark og fíflaði menn upp úr skónum og lagði upp annað markið á Ella.
Atvikið
Atvikið í lokin. Guðmann Þórisson lenti á eftir Sæþóri og togaði hann niður þegar boltinn var á leið inn í teig, leit út fyrir að vera augljóst víti en Einar dæmdi ekkert. KA menn voru brjálaðir og fengu Óli Stefán og Jajalo báðir spjald.
Hvað þýða úrslitin?
FH er komið á topp deildarinnar í bili með 7 stig en KA er með 3 stig eftir þessar fyrstu 3 umferðir.
Vondur dagur
Andri Fannar Stefánsson og Torfi Tímoteus Gunnarsson hafa átt betri daga. Andri var gjörsamlega úti á þekju í fyrri hálfleik og missti menn framhjá sér trekk í trekk auk þess sem sóknarleikur hans var slakur. Torfi var óöruggur í leiknum og gefur vítaspyrnu þegar hann handleikur boltann innan teigs.
Dómarinn - 3
Einar Ingi var með marga vafasama dóma í dag, hafði gjörsamlega engin tök á leiknum í seinni hálfleik. Hefði átt að dæma víti á Hauk Heiðar þegar hann dæmdi aukaspyrnu. Torfi hefði átt að fá rautt fyrir að verja boltann viljandi og sleppti hann svo augljósu víti í lokin þegar Guðmann togaði Sæþór niður.
Slök frammistaða hjá Einari.
Slök frammistaða hjá Einari.