Drifkrafturinn í Gróttumönnum er það sem færði þeim jafntefli í þessum leik. Þeir voru einum færri í 45 mínútur og sást það varla á spilamennsku þeirra. Þróttarar voru ekki nægilega ákveðnir í að klára leikinn einum fleiri sem gerði það að verkum að Gróttumenn náðu að kreysta fram eitt mark undir lok leiksins.

Seinna mark Gróttu sem kom í uppbótartíma.
Á eitthvern ótrúlegan hátt náði Pétur að setja boltan í markið.
Mikið klafs var í vítateig Þróttar þegar Grótta átti hornspyrnu. Pétur snýr þá baki í markið og er í litlu jafnvægi þegar hann sparka í boltan sem mér sýndist fara í stöngina, aftur í hann og inn. Allt trylltist í stúkunni enda baráttu mark sem skilaði Gróttu sínu fyrsta stigi í Inkasso í ár.

Úrslitin þýða að liðin náðu bæði í sín fyrstu stig í kvöld. Þróttur er í 7.sæti og Grótta situr í 11.sæti.

Það var enginn í raun og veru sem átti vondan dag. Dagur Guðjóns fékk hinsvegar tvö gul spjöld og var sendur upp í stúku undir lok fyrri hálfleiks. Hann verður því í banni í næsta leik. Það er kanski verst fyrir hann sjálfan þar sem hann er gríðalega mikilvægur leikmaður fyrir Gróttu og þeir eiga erfiðan leik fyrir höndum á móti Þór næstu helgi.

Hann var ágætur í dag. Þurfti að hafa mikið fyrir því að hafa stjórn á leiknum þar sem það var mikið um brot og spjöld.