SKÝRSLAN: Víti, rautt og þrjú Eyjamörk.
Hvað réði úrslitum?
Það var barist hart um allan völl í Kórnum, en ÍBV voru með aðeins meiri gæði fram á við, sköpuðu fleiri færi og skoruðu úr þeim.
Bestu leikmenn
1. Cloé Lacasse
Var eins og svindlkall í kvöld, skoraði tvö og náði manni út í skyndisókn.
2. Þórhildur Þórhallsdóttir
Nánast allt gott sem heimaliðið í gegn fór í gegnum Þórhildi, vann boltann margoft og skapaði hættu fram á við.
Atvikið
Annað mark ÍBV kemur eftir ótrúlega klaufalega mistök í heimavörninni. Þetta mark leyfði ÍBV að pakka í vörn í seinni hálfleik og halda boltanum, sem hentar liðinu fínt.
Hvað þýða úrslitin?
Eyjakonur fara brosandi inn í landsleikjahléið í fimmta sæti. HK/Víkingar þurfa að finna næsta gír, hlýtur að fara í þær hversu mörgum jöfnum leikjum þær eru búnar að tapa.
Vondur dagur
Þegar Eygló Þorsteinsdóttir braut á Cloé og fékk rauða spjaldið í seinni hálfleik var eins og hún hefði bara fengið nóg. Brotið kom vissulega í veg fyrir hættulegt færi en það voru fleiri leikmenn gestanna komnir til baka sem hefðu getað stoppað sóknina.
Dómarinn - 5
Þokkalega dæmt en hefði klárlega getað róað leikmenn betur þegar hitinn var að aukast og einn og einn dómur var furðulegur.