Öruggur sigur Íslands gegn lélegum andstæðingum. Næsti leikur liðsins er gegn Armenum á mánudag, á sama stað.

Íslenska liðið að ná flottum samleiksköflum.

SKOT Í SLÁ OG SVO STÖNG!!!

Guðmundur Andri með fyrra skotið og svo var það Kolbeinn Þórðarson! Þarna átti fjórða markið að koma.

Lúxemborg með skot!!! En í varnarmann.

Þess má geta að Lúxemborg hefur ekki enn átt marktilraun...

Ísland komið með öll spil á hendi og Lúxarar vita það vel að þeir fara tómhentir af landinu, það er augljóst. Bara spurning hversu mörg mörkin verða.

Áhorfendavaktin: 412.

Mikael með skot í varnarmann eftir gott samspil við Alfons.

Mikael hefur komið verulega líflegur inn. Kemur með nýtt stuð í þennan leik.

Nú þurfa Lúxarar að reyna að gera eitthvað meira sóknarlega, það gæti opnað þetta enn frekar fyrir íslenska liðið.

Miðað við byrjun leiksins hélt ég að staðan yrði svona 3-0 í hálfleik... en okkar strákar hafa ekki náð að finna leiðina í markið og spilamennskan dalaði eftir því sem á fyrri hálfleikinn leið.

Stefán Teitur með skot en hittir boltann herfilega.

Willum í fínu færi en skallar yfir. Fáum við ekki mark fyrir hálfleik??? Annað væri vonbrigði.

Leikurinn var stopp í smá tíma því Machado markvörður gestana þurfti aðhlynningu. Hann heldur leik áfram.

Kolbeinn með sendingu á Jónatan Inga sem kemst í dauðafæri en Machado ver!!! Svo á Sveinn Aron skot en í varnarmann.

Þetta var besta tækifæri Íslands síðan skallað var í slá.

Brotið á Jóni Degi á vinstri kantinum, Ísland fær aukaspyrnu með fyrirgjafarmöguleika. Jón Dagur tekur spyrnuna sjálfur. Reynir skot en boltinn flýgur framhjá fjærstönginni.

Lettneski aðstoðardómarinn flaggar rangstöðu úr innkasti, menn ekki alveg með reglurnar á hreinu. Það er ekki hægt að setja neinar kröfur.

Misskilningur milli Ara og Patriks! Ari með dapra sendingu til baka og Lúxemborgari setur pressuna. Patrik sparkar í hann en boltinn flýgur í markspyrnu.

Sveinn Aron með skottilraun, veeel framhjá.

Sóknarþungi Íslands hefur minnkað en yfirburðirnir þó enn miklir.

Ísland fær sína sjöundu hornspyrnu í leiknum. Jón Dagur spyrnir fyrir en gestirnir ná að koma knettinum frá.

Sveinn Aron skýtur í varnarvegginn úr aukaspyrnu.

Naujjj óvænt! Lúxemborg fór í sókn! Fyrirgjöf frá hægri. Ari Leifsson bjargar í hornspyrnu. Hornspyrnan svo vandræðalega léleg, reyna að spila stutt en sparka boltanum í innkast.

Ísland er að fá nóg af hornspyrnum!

Þá er Willum með skot en beint á Machado í markinu.

Ísland sækir og sækir og sækir! Ari Leifsson með SKALLA Í SLÁ eftir hornspyrnu. Það liggur svo sannarlega íslenskt mark í loftinu!

Bíddu nú við! Machado markvörður gestaliðsins ekki sannfærandi þarna! Sveinn Aron með skot sem átti að vera auðvelt fyrir Machado en hann nálægt því að missa boltann inn!

Önnur hættuleg hornspyrna og Willum var í dauðafæri við stöngina en er svo flaggaður rangstæður.

Ísland fær aukaspyrnu... vinnur horn úr henni.

Jón Dagur með stórhættulega hornspyrnu og boltinn berst á Willum se mer í hörkufæri! Markvörður Lúxemborg ver með naumindum! Skalli frá Willum. Fyrsta marktilraun leiksins.

Anufrijevs frá Lettlandi hefur flautað til leiks! Ísland sækir í átt að félagsheimili Víkinga í fyrri hálfleik.

Liðin eru mætt út á völlinn og verið er að spila þjóðsöng Lúxemborg. Fínasta tónverk. Mega vera stoltir af söngnum sínum.

Það bætist við í stúkuna. Siggi Raggi og Gunni Einars eru mættir og eru í fantagír. Ólafur Páll Snorrason, Arnór Guðjohnsen, Þorsteinn Gunnarsson og fleiri að koma sér fyrir.

Selebb vaktin! Ein rosaleg röð að myndast í stúkunni. Rúnar Páll, þjálfari Stjörnunnar, fékk sér sæti við hlið Loga Ólafssonar. Svo bættust við Óli Kristjáns og Þorvaldur Örlygsson. Ekki eðlilega dýrt prógramm!

Fremstu menn...
Jón Dagur Þorsteinsson, leikmaður AGF, er fyrirliði en hann á þrjá A-landsleiki að baki. Það kæmi mér persónulega ekki á óvart ef hann yrði kallaður upp í A-landsliðið fyrir Albaníuleikinn.

Á hinum vængnum er Jónatan Ingi Jónsson, leikmaður FH.

Fremstur er svo Sveinn Aron Guðjohnsen, sonur aðstoðarþjálfarans Eiðs Smára. Sveinn hefur aðeins skorað eitt mark í 19 leikjum á Ítalíu en finnur vonandi markaskóna í kvöld.

Á miðjunni...
Daníel Hafsteinsson, sem gekk í raðir Helsingborgar í Svíþjóð frá KA í sumar, er aðeins fyrir aftan Willum Þór Willumsson og Stefán Teit Þórðarson.

Bróðir Willums, Brynjólfur Darri, byrjar á bekknum.

Í varnarlínu Íslands...
Er áhugavert að Kolbeinn Birgir Finnsson sé vinstri bakvörður. Við sáum hann leika nokkra leiki sem vængbakvörður með Fylki í sumar en hann er þekktari fyrir að leika framar á vellinum.

Ari Leifsson og Ísak Óli Ólafsson eru í hjarta varnarinnar. Ísak gekk í sumar í raðir SönderjyskE frá Keflavík. Í hægri bakverði er svo Alfons Sampsted sem er sá leikmaður í hópnum sem á flesta U21-landsleiki.

Í marki Íslands...
Patrik Sigurður Gunnarsson var formlega tekinn upp í aðalliðshóp enska Championship-félagsins Brentford nýlega.

"Patrik er einn af ungu strákunum sem ég er hrifinn af. Hann á góða framtíð fyrir sér og gæti orðið aðalliðsmarkvörður Brentford í framtíðinni ef hann heldur rétt á spöðunum. Hugarfar hans er gott og hann æfir vel. Aðalliðshópurinn hefur miklar mætur á Patrik," sagði Thomas Frank, stjóri Brentford.

Reglum hefur verið breytt í undankeppni EM hjá U21 landsliðum en nú eru fimm skiptingar leyfilegar hjá hvoru liði í leikjum.

Til að forðast of mörg stopp á leikjum þá má hvort liðið einungis stöðva leikinn þrisvar í síðari hálfleik til að skipta. Taka þarf tvöfaldar skiptingar til að ná að nýta allar fimm skiptingarnar.

Önnur breyting hjá U21 liðum er sú að nú mega 20 leikmenn vera í leikmannahóp en ekki 18 eins og áður.

Stefnt á sex stig úr glugganum
Lúxemborg og Armenía eru fyrirfram veikustu lið riðilsins og mikilvægt fyrir okkar stráka að taka sex stig úr þessum glugga, byrja á því að vinna sigur hér í dag.

Víkingsvöllur hefur verið gerður að heimavelli U21 landsliðsins.

"Þetta verður okkar heimavöllur, allavega út 2019. Svo verður það endurskoðað eftir þessa þrjá heimaleiki sem við eigum á árinu. Þegar ég og Eiður Smári tókum við þessu þá vildum við fá meiri heimavallartilfinningu og að strákarnir viti hvert þeir eru að koma," segir Arnar Þór Viðarsson þjálfari U21 landsliðsins.

Góðan og gleðilegan dag!

Það er dínamísk landsliðshelgi í gangi og hér í Fossvoginum eru Ísland og Lúxemborg að fara að eigast við í undankeppni EM U21.

Þetta er fyrsti leikur Íslands í keppninni en einn leikur er búinn í riðlinum. Írland vann Lúxemborg 3-0.

Auk þessara liða eru Ítalía og Svíþjóð í riðlinum, einnig Armenía en strákarnir okkar mæta Armenum á mánudaginn.