Willum ánægður í Hvíta-Rússlandi: Fékk smá heimþrá
Willum Þór Willumsson.
„Við erum mjög vel stemmdir og ég held að þetta verði gaman," segir Willum Þór Willumsson fyrir komandi U21 landsleiki.
Íslenska U21-landsliðið er að hefja nýja undankeppni fyrir EM með tveimur heimaleikjum; gegn Lúxemborg klukkan 17 á morgun föstudag og svo gegn Armeníu á mánudag. Báðir leikir verða á Víkingsvelli í Fossvogi.
Íslenska U21-landsliðið er að hefja nýja undankeppni fyrir EM með tveimur heimaleikjum; gegn Lúxemborg klukkan 17 á morgun föstudag og svo gegn Armeníu á mánudag. Báðir leikir verða á Víkingsvelli í Fossvogi.
„Mér lýst mjög vel á Adda og Eið, þeir koma vel í þetta og við erum með mjög góðan og spennandi hóp. Ég held að þetta muni ganga vel."
„Við höfum farið yfir þessa fyrstu tvo leiki og við ætlum bara að vinna þá. Við eigum að vera með sterkara lið."
Meira sóknarhlutverk en hann bjóst við
Willum er 20 ára gamall og spilar fyrir BATE í Hvíta-Rússlandi þar sem hann fær mikinn spiltíma. Honum líkar lífið í landinu vel.
„Það er rólegt og mjög næs. Mér líður bara vel þar;" segir Willum sem viðurkennir þó að hafa verið kominn með smá heimþrá.
„Jú pínu, ég kom síðast til Íslands í febrúar svo það er fínt að koma hingað aftur."
Hann er ánægður með hvernig gengur innan vallar hjá BATE.
„Ég er í meira sóknarhlutverki en ég gerði ráð fyrir. Ég er framarlega á miðjunni og ég held að það henti mér ágætlega miðað við leikstílinn á liðinu," segir Willum en viðtalið við hann er í heild í sjónvarpinu hér að ofan.
