FH vinnur þennan mikilvæga botnslag 4-2!
Viðtöl og skýrsla koma við fyrsta tækifæri

Þarna hefði FH átt að fá víti að mínu mati en Gunnar dæmir bara horn

Phoenetia nálægt því að koma inn fimmta markinu en boltinn fer rétt framhjá. Sú er búin að vera spræk í dag.

KR ráða ekkert við Phoenetiu og þurfa alltaf að brjóta á henni svo hún komist ekki í gegn. FH fær aukaspyrnu á hættulegum stað, vinstra megin við teig

FH fá hér aukaspyrnu á hættulegum stað, rétt fyrir utan teig hægra megin. Andrea reynir skot en það er rétt yfir markið

Birta Georgsdóttir reynir hér skot en það er auðvelt fyrir Ingibjörgu í markinu

KR í sókn þessa stundina og með nokkuð góð tök á leiknum þessa stundina

KR fær hér hornspyrnu

KR að koma sér í færi og í þetta sinn á Guðmunda Brynja skot en það er rétt framhjá markinu. Fínasta tilraun

Phoenetia að leika sér að þessu KR liði. Vinnur boltann á miðjusvæðinu, keyrir upp og kemur með sendingu upp kantinn í Helenu sem kemur með boltann fyrir en KR hreinsa

KR fá horn. Spyrnan er hættuleg en FH hreinsa á síðustu stundu

GESTIRNIR Í FÆRI!
Alma með flottan sprett upp hægri kantinn og komin alveg að marki og ætlar að lauma boltanum í fjærhornið en Telma gerir vel og ver frá henni í tvígang.

Þetta fer afar rólega af stað - líkt og fyrri hálfleikurinn

Seinni hér með farinn af stað!
Ég kalla eftir smá meiri baráttu í KR-inga en fyrst og fremst vonast ég bara eftir skemmtilegum leik.

FH með 2:0 forystu eftir fyrstu 45.
Þær hafa verið sterkari aðilinn hér í fyrri hálfleik og átt nokkur fín færi. Þær settu í 6. gír í nokkrar mínútur um miðjan hálfleik og uppskáru þá 2 mörk og dauðafæri.
KR hafa ekki ógnað mikið en Telma hefur verið gríðarlega örugg í markinu það sem af er leiks.

KR í ágætis sókn. Kristín Erna endar á að taka skotið frá hægri en Telma ver aftur mjög vel

Helena Ósk reynir hér skot rétt fyrir utan teig vinstra megin en það er vel framhjá. Um að gera að reyna skot þarna samt

Þá taka KR við og Þórdís Hrönn reynir skot en Telma er örugg í markinu og grípur þennan bolta

Ingibjörg með afleita sendingu inn á miðjuna frá marki og FH komast strax í þann bolta og Phoenetia tekur skotið sem er rétt framhjá markinu af 35 metrum sirka.

Það er heldur betur að lifna yfir leiknum maður!
Sísí í svo miklu dauðafæri að ég skil ekki hvernig hún klúðraði þessu. Stendur nánast inni í markinu en skýtur rétt framhjá markinu

Phoenetia æðir í gegnum KR vörnina upp hægra kantinn og kemur með frábæran bolta inn á Helenu sem skýtur rétt framhjá. Flott færi hjá heimakonum eftir frábæran sprett Phoenetiu.

Og þá fá FH-ingar horn. Katrín Ómars hreinsar en boltinn berst á Sísí sem reynir skot en það er hátt yfir markið

KR-ingar vinna hér hornspyrnu. Úr spyrnunni vinna þær aðra hornspyrnu. Og úr þeirri spyrnu vinna þær aðra hornspyrnu. Og enn aðra (fjórða í röð).
FH ná svo loksins að hreinsa, okkur öllum til mikillar gleði

KR fær aukaspyrnu á hættulegum stað, rétt fyrir utan teig hægra megin. Þórdís Hrönn tekur spyrnuna og ákveður bara að skjóta en boltinnn fer rétt yfir markið. Fín tilraun

Fyrsta færi leiksins. Hildur Björg fer upp vinstri kantinn og sendir fyrir á Katrínu Ásbjörns sem tekur skotið í hægra hornið en Telma gerir virkilega vel í markinu og ver í horn

Þetta byrjar afskaplega rólega hérna..

Jæja fyrsta horn leiksins fær FH. Andrea Mist tekur spyrnuna beint á kollinn á Sísí sem skallar boltann bara eiginlega frá teignum eins og hún sé varnarmaður. Hefur líklega ætlað að flikka honum aðeins lengra

Þetta er farið af stað! KR byrja með boltann

Jæja þetta er alveg að hefjast, liðin ganga nú inn á völlinn úr sitthvorri áttinni. Allt á hreinu hér í krikanum

Fyrri leikur liðanna í deildinni fór fram 24. júlí á Meistaravöllum. Sá leikur endaði með öruggum 3-0 sigri KR þar sem Katrín Ásbjörnsdóttir (x2) og Angela Beard skoruðu mörkin.

Ekki hefur gengið mikið betur hjá KR í sumar en þær eru í 9. sæti deildarinnar með 7 stig og því einnig í fallsæti. Það má þó ekki gleyma því að KR-ingar hafa aðeins spilað 8 leiki og eiga því 3 leiki til góða. Það er vegna þess að stelpurnar í KR hafa verið afar óheppnar með sóttkví í sumar en hafa alls þurft að fara þrisvar í sóttkví frá því að deildin byrjaði.
KR-ingar hafa unnið 2 leiki í sumar (gegn Stjörnunni og FH), gert 1 jafntefli (gegn Þrótti) og tapað 5 leikjum.
Liðið hefur skorað 9 mörk og fengið á sig 18 mörk í sumar.

FH er í botnsæti deildarinnar með 6 stig eftir 11 leiki. FH-ingar hafa unnið 2 leiki í sumar, gegn Stjörnunni 24. ágúst og gegn Þór/KA 14. júlí.
Þá hafa þær aðeins skorað 6 mörk en fengið á sig 27 mörk í deildinni í sumar.

Liðin mættust síðast á fimmtudaginn (3. sept) á sama velli í Mjólkurbikarnum. Þar höfðu KR-ingar betur og unnu góðan 1-2 sigur. Katrín Ómarsdóttir kom KR yfir á 24. mínútu en Angela R. Beard varð fyrir því óláni að skora sjálfsmark á 52. mínútu. Katrín Ásbjörnsdóttir kom KR svo yfir á 80. mínútu og þannig enduðu leikar.

Góðan daginn kæru lesendur og verið hjartanlega velkomin í þessa beinu textalýsingu frá leik FH og KR í Pepsi-Max deild kvenna.
Leikurinn hefst á slaginu 14:00 í Kaplakrika.