Leknum er lokið með 4 - 2 sigri Fylkis. Það gekk mikið á í þessum leik og við komum með viðtöl og skýrslu síðar í dag.

Karen María með laust skot að marki Fylkis sem Cecilía átti auðvelt með.

Fylkir kemst ekki yfir miðju síðasta kaflann úr leiknum þrátt fyrir að gestirnir séu manni færri. Þór/KA pressar og pressar og leitar að marki.

Þór/KA sækir stíft að marki Fylkis og hafa fengið tvær hornspyrnur í röð. Sjáum hvort það skili marki ef þær halda áfram.

Guðrún Karítas með skot í stöng eftir undirbúning Söru Daggar.

Eva rut með skot hátt yfir mark Þórs/KA. Ætlaði eflaust að leika markið sitt eftir en gekk ekki sem skildi.

Heiða Ragney með skot yfir mark Fylkis.

Berglind Rós með skot yfir marki Þórs/KA. Það stefnir í einstefnu hér í seinni hálfleiknum meðan Fylkir er manni fleiri.

Dauðafæri! Katla María í færi í tegnum sem er varið og boltinn barst á Huldu sem skaut en hitti ekki á markið.

María Gros með þrumuskot fyrir utan völlinn sem Cecilía Rán rétt náði að blaka í horn.

Seinni hálfleikurinn er hafinn. Engin breyting hefur verið gerð á liðunum en en leikmanna Þórs/KA skilaði sér ekki í hálfleik svo hún byrjar ekki seinni hálfleikinn. Liðið er manni færri. Hulda Karen er í aðhlynningu fyrir utan vallarsvæðið.

Kominn hálfleikur í árbænum. Staðan 1 - 1. Komum aftur eftir korter.

Bryndís Arnar í dauðafæri eftir aukaspyrnu en skallar boltann beint í fangið á Lauren Allen.

Bryndís Arnar er komin inná aftur.

Fylkir spilar manni færri eins og er meðan Bryndís Arnar fær aðhlynningu.

Saga Líf með skot langt utan af velli rétt yfir mark Fylkis.

Karen María með skot fyrir utan teig í hraðri sókn Þórs/KA en Cecilía Rán átti auðvelt með að grípa.

Karen María í erfiðu færi í eig Fylkis en kom boltanum ekki á markið.

Hulda Hrund með langskot utan af velli sem Lauren Allen átti auðvelt með að grípa.

Berglind með góða sendingu fram völlinn á Guðrúnu Karítas sem var með varnarmann í sér en skaut yfir markið.

Jóhann Atli dómari er duglegur að lyfta gulum spjöldum síðustu mínúturnar. Ekkert alvarlegt að gerast samt. Tækling, tuð og leikaraskapur.

Vesna Smiljcovic er á hægri kanti Fylkis, hún hefur í tvígang skapað hættu með góðum sendingum sínum. Fyrst var Guðrún Karítas dæmd rangstæð og svo var Stefanía aðeins of sein í boltann.

Þetta fer rólega af stað. Liðin eru að þreifa fyrir sér á miðjum vellinum.

Berglind Rós Ágústsdóttir fyrirliði Fylkis er komin ofar á völlinn og spilar sem miðjumaður í dag.

Fylkir byrjar með boltann og leikur í áttina að íþróttahúsinu.

Liðin ganga nú út á völlinn og stutt í leik. Fylkir að venju í appelsínugulum peysum og buxum en gestirnir í Þór/KA í alsvörtum búningum.

Fylkir tapaði síðasta leik gegn Þróttii 2 - 1. Kjartan Stefánsson þjálfari liðsins gerir eina breytingu á liðinu frá þeim leik. Íris Una Þórðardóttir kemur in fyrir Þórdísi Elvu Ágústsdóttur.

Þór/KA tapaði heima gegn Val í síðasta leik 0 - 2. Frá þeim leik gerir Andri Hjörvar Albertsson þjálfari tvær breytingar. Margrét Árnadóttir og Saga Líf Sigurðardóttir koma inn fyrir þær Magdaline Rose Gotta og Karen Maríu Sigurðardóttur.

Það rignir í Árbænum og örlítill vindur sem mun ekki hafa nein áhrif á þennan leik. 11 stiga hiti líka svo það verður þægilegt að sitja undir þakinu í stúkunni í dag fyrir þau 100 sem mæta fyrst og fylla upp í áhorfendahámarkið.

Jóhann Atli Hafliðason dæmir leikinn í dag og er með þá Svein Tjörva Viðarsson og Sigurð Schram sér til aðstoðar á línunum.

Enginn skiltadómari er á leiknum að þessu sinni en KSÍ sendir Jón Sveinsson á leikinn til að hafa eftirlit með umgörð og störfum dómara.

Liðin mættust í 4. umferðinni 24. júlí síðastliðinn og þar leikið á Akureyri og leiknum lauk með 2 - 2 jafntefli.

Margrét Björg Ástvaldsdóttir og Bryndís Arna Níelsdóttir skoruðu fyrir Fylki og Margét Árnadóttir skoraði fyrra mark Þórs/KA, það síðara var sjálfsmark Þórdísar Elvu Ágústsdóttur.

Þessi leikur er í 13. umferð deildarinnar en útaf Covid frestunum hefur Fylkir bara spilað 10 leiki í sumar og Þór/KA 11 leiki.

Fylkir er í 4. sæti deildarinnar með 16 stig, jafnmörg og Selfoss sem er í 3. sætinu.

Þór/KA er í 11. sætinu með 11 stig.

Góðan daginn og verið velkomin í beina textalýsingu frá leik Fylkis og Þórs/KA í Pepsi Max-deild kvenna.

Leikurinn hefst klukkan 14:00 á Wurth vellinum í Árbænum.