Elías Ingi flautar af!

Skagamenn sækja sigur hér í Grafarvoginn.

Skýrsla og viðtöl á leiðinni.

Jóhann Árni sendir fyrir og Árni slær í horn!

Óttar skallar í aðra spyrnu og þá fá Fjölnismenn dæmt á sig brot.

Seinni tilraunin er ennþá verri en hún fer beint í hliðarnetið...

Hallur Flosa fer upp flugbrautina og fær boltann frá Steinari, setur boltann í Fjölnismann og í horn.

Brynjar með afleita spyrnu en er heppinn að fá aðra hornspyrnu útúr þessu.

GUMMI KALLI!?!

Arnór Breki með frábæra fyrirgjöf beint á ennið á Gumma Kalla sem er fyrir framan markið en skallar framhjá, hann tók bara við álögunum sem hvíldu á Orra, þeir bara hitta ekki markið...

Brynjar tekur spyrnuna inn á teiginn beint í lúkurnar á Atla Gunnari.

VÁ! - TRYGGVI HRAFN KEYRIR AF STAÐ FRÁ MIÐJU OG SKILUR NICKLAS EFTIR Í SPRETTHLAUPI!

Sendir boltann svo yfir á Aron Kristófer sem er aleinn gegn Atla Gunnari en dettur um sjálfan sig áður en boltinn kemst til hans, virkilega aulalegt og frekar hlægilegt.

Fjölnismenn fá aukaspyrnu úti vinstra megin, Óttar meiðir sig eitthvað við þetta og fer útaf til aðhlynningar.

Jeffrey sendir fínan bolta fyrir en Skagamenn hreinsa.

Gummi Kalli skorar næstum í fyrstu snertingu!!!

Fyrirgjöf frá Sigurpál fer á Jeffrey og þaðan hrekkur boltinn til Gumma sem tekur skotið í fyrsta með vinstri rétt yfir!

Skagamenn sækja hratt og Steinar sendir fyrir, Sigurpáll skallar í horn.

Tryggvi Hrafn tekur spyrnuna sem er góð en Atli grípur.

Jeffrey fær boltann við teiginn og reynir skotið en Árni ver auðveldlega.

Fjölnismenn með horn sem Skagamenn skalla frá og bruna upp í skyndisókn, Skagamenn eru að sleppa í gegn en Elli flautar og bæði lið trompast því Skagamenn vilja hagnað en Fjölnismenn vilja rautt.

Stefán Teitur með langt innkast sem Fjölnismenn skalla frá og reyna að bruna í skyndisókn á Jeffrey en varnarmaður Skagamanna bjargar.

Ég sé voða takmarkað í sólinni hérna, vantar svona gluggatjöld í þetta rými.

Gísli neglir boltanum beint í hausinn á Steinar liðsfélaga sínum sem fellur við, getur ekki verið þægilegt en hann virðist í lagi.

Jeffrey er búinn að vera frábær!

Keyrir upp vinstra megin og sendir fyrir, núna berst boltinn á Grétar sem setur hann rétt framhjá!

Eðlisfræðin segir mér það að Fjölnir verði að minnsta kosti að hitta á markið til að skora mark, dýrt að hitta aldrei á rammann.

SIGURÐUR HRANNAR Í FÆRI!

Fær boltann inná teig og kemur sér á hægri, tekur skotið í hliðarnetið!

Munaði litlu...

ORRI MINN JESÚS KRISTUR!

Jeffrey gerir hrikalega vel og keyrir upp að endalínu og neglir fyrir á Orra sem er fyrir framan markið en setur hann framhjá...

Staðan gæti verið ÍA 1 - 3 Orri...

Skagamenn byrja með boltann og sækja í átt að kirkjugarðinum.

Nú fá Fjölnismenn goluna í bakið.

Elli flautar fyrri hálfleikinn af, kaflaskipt hérna þar sem liðin hafa skipst á að stjórna.

Hansi fær dæmda á sig aukaspyrnu við miðjuna fyrir bakhrindingu.

Tryggvi Hrafn spyrnir boltanum á fjær á Gísla sem lætur boltann fara afturfyrir til að fá horn en fær ekki, klaufalegt hjá Gísla...

Fjölnismenn fá horn.

Jóhann Árni með spyrnuna og HANS VIKTOR NÆR SKALLANUM EN ÁRNI SNÆR MEÐ SVAKALEGA MARKVÖRSLU!

Boltinn dettur niður inná markteig og Skagamenn hreinsa!

ORRI AFTUR!!!

Jóhann Árni tekur svakalega sprett upp vinstra megin og sólar þrjá uppúr skónum, leggur boltann inn á teiginn þar sem Orri er við markteig en setur boltann framhjá úr daaauuuuðafæri!

Honum til blessunar var hann flaggaður rangstæður en þú bara verður að hitta á markið þarna Orri minn...

ORRI ÞÓRHALLSSON ÞARNA VERÐURU AÐ GERA BETUR!

Jeffrey gerir hrikalega vel og keyrir inn á teiginn, leggur boltann svo út á vítapunkt þar sem Orri er aaaaleinn og setur boltann í fyrsta hátt yfir!

Lágmark að hitta markið þarna, helst bara skora...

Jeffrey gerir vel og sólar þrjá, keyrir inn á teiginn og tekur skotið með vinstri en beint á Árna sem grípur.

Fjölnismenn ná þriggja mínutna kafla þar sem þeir þjarma að Skagamönnum en engin hætta að ógnast.

Núna eiga þeir aukaspyrnu við miðju hægra megin sem Jóhann Árni reynir að senda fyrir en Stefán Teitur skallar frá.

Jeffrey fær boltann úti vinstra megin og reynir skotið en það fer á Kárapall.

Fjölnismenn fá færi!

Jóhann þræðir Hallvarð á bakvið sem neglir boltanum fyrir markið en Óttar Bjarni hreinsar í horn.

Óttar stangar hornspyrnuna svo frá.

Skagamenn fá innkast vinstra megin núna sem Stefán kastar langt og endar í þvögu sem Fjölnismenn eiga í vandræðum með að hreinsa en tekst þó að lokum.

Þetta er bara sama sagan, Skagamenn halda vel í boltann en þó ekki að skapa neitt af viti.

Fjölnismenn ná ekki að tengja meira en tvær sendingar áður en Skagamenn vinna boltann aftur...

Skagamenn þjarma vel að Fjölnismönnum sem fá varla að prófa boltann...

Löng sókn endar með ágætis skottilraun frá Tryggva af 25 metrunum en rétt framhjá!

Úfff Fjölnismenn heppnir að fá ekki á sig víti, Skagamenn halda vel í boltann og færa hann svo til hægri þar sem Sigurður Hrannar tekur skáhlaup inn á teig og kemst í boltann á undan Peter sem virtist brjóta á honum þar sem Siggi kom á blindu hliðina en ekkert dæmt og Skagamenn biðja ekki um mikið, sennilega rétt hjá Ella sem var ofan í þessu, en tæpt var það!

Fjölnismenn með fína sókn og færa boltann til hægri á Hallvarð, Hallvarður fer framhjá Brynjari og sendir á Jóhann Árna sem laumar boltanum í gegn á Orra sem var ekki alveg með á nótunum.

Annað tækifæri fyrir Arnór Breka...

Spyrnan góð og Orri Þórhalls skallar yfir!

Hallvarður sendir fyrir og Sindri setur boltann í horn.

Arnór Breki með spyrnuna og Stefán Teitur setur hann aftur í horn.

ÞVÍLÍKUR VARNARLEIKUR HJÁ FJÖLNI!

Hallur Flosa sendir lélega fyrirgjöf inn á teiginn og þrír Fjölnismenn hafa möguleika á að hreinsa en enginn gerir það og boltinn berst á Tryggva sem er togaður niður áður en hann nær skotinu en ekkert dæmt, þá hreinsar einn Fjölnismaður í bakið á Tryggva og Atli Gunnar þarf að verja svo það verði ekki sprellimark!

Fjölnismenn hreint út sagt ömurlegir aftast til að byrja með.

TRYGGVI HRAFN HARALDSSON ÞARNA ÁTTU AÐ SKORA!

Sindri tekur eina langa hreinsun sem Hansi missir yfir sig og Tryggvi er einn í gegn frá miðju en með sólina í augunum og rekur boltann bara í fangið á Atla sem kom á móti.

Klaufalegt...

Fjölnismenn byrja og sækja gegn vindi í átt að kirkjugarðinum..

Liðin hafa lokið upphitun og styttist í leikinn!

Kiddi Laxdal er að pósa í gæslunni en hann rífur fegurðarstuðulinn allsvakalega upp hjá sprittvaktinni.

Gunni Sig stendur á áhorfendastæðinu fyrir aftan varamannabekkina, enda að taka út leikbann eftir að hafa fengið rautt spjald gegn KA.

Steinsen er að týna saman bolta og lúðra þeim að varamannabekk Fjölnis, þetta er svona það helsta í fréttum.

Liðin eru komin út að hita og vallarþulurinn var að henda tónlistinni í gang.

Fínar aðstæður hérna, blæs aðeins á annað markið, sólríkt en þó kalt.

Ásmundur Arnarsson, þjálfari Fjölnis, gerir tvær breytingar á liði sínu frá jafnteflinu gegn KA.

Hallvarður Óskar Sigurðarson og Jóhann Árni Gunnarsson koma inn. Jón Gísli Ström og Guðmundur Karl Guðmundsson setjast á bekkinn.

Byrjunarliðin eru komin inn.

Jóhannes Karl Guðjónsson, þjálfari ÍA, gerir eina breytingu á liði sínu frá 3-0 sigrinum gegn Gróttu. Jón Gísli Eyland Gíslason er ekki með ÍA í dag og Sigurður Hrannar Þorsteinsson kemur inn í byrjunarliðið en hann skoraði í sigrinum gegn Gróttu.

Haustið er aldeilis farið að gera vart við sig en laufblöð eru farin að falla og kuldinn farinn að láta finna fyrir sér, hinsvegar er mjög fallegt veður en fólk verður þó að klæða sig almennilega ef það kemur á völlinn. Sólin skín og smá vindur blæs.

Elías Ingi fær það verðuga verkefni að flauta þennan leik, honum til aðstoðar verða Bryngeir Valdimars og Guðmundur Ingi, fjórði dómari verður Jóhann Ingi.

Skagamenn sigla lygnan sjó í sinni vegferð þetta árið en þeirra næstu verkefni eftir þennan leik eru Víkingur (h), FH (h), Stjarnan (ú) og Breiðablik (h).

Skagamenn fá þrjá heimaleiki af fjórum eftir þennan leik, skemmtilegt líka að þessi lið eiga eftir að mætast aftur uppá Skaga í lokaumferðinni.

Útlitið fyrir Fjölnismenn er ekki bjart og verður alls ekkert bjartara ef þeir vinna ekki í dag, næstu leikir á eftir þessum eru FH (ú), Stjarnan (ú), KR (h) og Valur (ú).

Það er alvöru prógram, en hinsvegar hafa Fjölnismenn í gegnum tíðina yfirleitt átt ágætis gengi að fagna gegn þessum stóru liðum, sjáum hvað setur.

Fjölnismenn sitja á botni deildarinnar án sigurs eins og margoft hefur komið fram í sumar enda verða leikirnir alltaf fleiri og fleiri með tímanum án sigurs þegar þeir vinna ekki, ná þeir fyrsta sigrinum í dag?

Skagamenn Skagamenn skoruðu mörkin, fá þau reyndar líka á sig.. Búnir að skora næstmest í deildinni á eftir Val, en fá á sig flest, einu marki meira en Fjölnir, stefnir í markaleik í dag trúi ég.

Skagamenn sitja í 8. sæti með 17 stig, geta komið sér uppfyrir HK með hagstæðum úrslitum en Víkingur og KA narta í hælana á þeim.

Góðan daginn gott fólk og verið velkomin í beina textalýsingu frá leik Fjölnis og ÍA!