Jafntefli niðurstaðan í þessum leik!

Bæði lið mögulega svekkt við að hafa ekki fengið meira úr þessu en stigið en það er eins og það er.

Siglum inn í uppbótartíma, fáum 5 mínútur.

HK er líklegri eins og staðan er en Fylkisvörnin heldur vel.

Fylkir fallið svolítið tilbaka þessar mínútur og HK þrýsta upp.

Jón Arnar Barðdal með lúmskan botla fyrir sem breytist í marktilraun og Ólafur þarf að blaka honum afturfyrir.

HK í frábæru færi en þarna átti Atli að gera betur! Fær frábæra sendingu inn á teig en tekur of margar sneringar og þetta rennur út í sandinn.

Valgeir vinnur horn fyrir HK.

Arnór Borg er þræddur einn í gegnum vörn HK en Arnar Freyr gerir frábærlega í að koma út á móti og lokar á hann.
Arnór Borg með frábært færi þarna sem fór forgörðum.

Birnir Ingi að komast í ákjósanlegt skotfæri en hittir boltann illa og hann skoppar í fangið á Arnari Freyr.

Fylkismenn vilja fá víti en fá ekki. Sýndist Fylkismenn alveg getað gert tilkall í vítið þarna en það var ýtt í bakið á Þórði Gunnari.

HK með tilraun hinumegin en skotið beint á Ólaf. Aðeins meira um færi í seinni hálfleik.

Orri Hrafn með skot á markið en það er kraftlaust og beint á Arnar Freyr.

Leikurinn er farinn af stað aftur og Orri Sveinn heldur leik áfram sem er ánægjulegt fyrir hann.

Fyrirgjöf inn í teig og Ólafur og Orri Sveinn skella saman og Orri Sveinn liggur eftir. Leikurinn er stopp.

Hvar er Valli syngja stuðningsmenn HK við trommislátt í stúkunni.

Bjarni Gunn með skalla að marki en Ólafur ekki í teljandi vandræðum.

Seinni hálfleikur er farinn af stað.

+1

Ekkert verður úr þessu horni og það eru gestirnir í Fylki sem leiða í hálfleik.

+1
Bjarni Gunn með fastan bolta fyrir ætlaðan Stefan Ljubicic en Fylkismenn koma þessu í horn.

Fáum +1 í uppbótartíma.

Arnór Borg með fast skot sem endar í hliðarnetinu. - Dómararnir meta það sem svo að boltinn hafi farið af HK og útaf og Fylkir fær horn.

Arnór Borg stillir nafna sínum upp í skotfæri en skotið hjá Arnóri Gauta er langt framhjá.

Mikil barátta í þessum leik.

Birkir Valur með stórhættulegan bolta inn á teig Fylkis en HK nær ekki að nýta sér það.

Birkir Valur kemur Arnþóri Ara í kjöraðstæður en Arnþór Ari á afleitt skot. Hefði átt að gera mun betur þarna.

Birkir Valur nær fyrirgjöf hinumeginn fyrir HK sem Atli er í en Fylkismenn sterkari og koma boltanum frá.

Arnór Borg gerir vel og kemst í flotta fyrirgjafastöðu en HK nær að bægja hættunni frá.

Þórður Gunnar með flottan sprett og kemur boltanum fyrir markið en þar er enginn til að taka við honum og HK hreinsar.

Bæði lið í smá vandræðum með að halda boltanum.

Dagur Dan með flotta skiptingu út á hægri þar sem Djair tekur vel á móti boltanum og klobbar Ívar Örn skemmtilega en svo rennur þetta út í sandinn hjá Fylki.

Fylkismenn keyrðu upp völlinn eftir hornspyrnu HK og sóttu markið. Vel gert Fylkir!

Fínasta hornspyrna inn á teig á hausinn á Gumma Júl en skallinn hátt yfir og framhjá.

HK fær fyrsta horn leiksins.

Það eru Fylkismenn sem byrja þennan leik. Arnór Borg á upphafsspark leiksins.

Byrjunarliðin eru klár og má sjá hér til hliðar.
Það má einnig sjá þau með því að smella á fréttina hér

HK liðið er óbreytt frá síðasta leik en Fylkir gerir 2 breytingar og inn koma fyrirliðinn Ragnar Bragi Sveinsson og Þórður Gunnar Hafþórsson fyrir Unnar Stein Ingvarsson sem tekur út leikbann og Hall Húna Þorsteinsson.

Ívar Orri Kristjánsson sér um flautuleikinn í dag en honum til aðstoðar verða þeir Gylfi Már Sigurðsson og Kristján Már Ólafs.
Arnar Þór Stefánsson verður á skiltinu og klár ef eitthvað kemur uppá og þá mun Þórður Georg Lárusson hafa eftirlit með gangi mála.

Grindvíkingurinn Jósef Kristinn Jósefsson er spámaður umferðarinnar. Jobbi lagði skóna á hilluna eftir síðasta tímabil en hann lék síðustu fjögur ár ferilsins með Stjörnunni. 2. umferðin hófst í gærkvöldi og lýkur á sunnudag.

HK 1 - 0 Fylkir
Eftir afar leiðinlegt jafntefli í fyrstu umferð hjá HK koma HK ingar sterkir inn með Valgeir fremstan í flokki. Leikurinn endar 1-0 Valgeir klárar leikinn með laglegu marki.

Fylkismenn fengu aftur á móti mörk í sinn leik í fystu umferð en þeir fengu FH í heimsókn á Wurth völlinn en þurftu að játa sig sigraða 0-2 þar sem Steven Lennon og Matti Villa sáu um markaskorun. Fylkismenn misstu mann af velli í fyrri hálfleik en Unnar Steinn fékk að líta 2 gul spjöld á 90 sek kafla.
Seinna gula spjald Unnars Steins þótti afar umdeilt.

Heimamenn í HK fengu KA í heimsókn í fyrstu umferð en sá leikur þótti ekki tíðinda mikill og enduðu leikar 0-0 og bæði lið yfirgáfu þann leik með sitthvort stigið.

Þegar fyrsta umferð Pepsi Max deildar karla er yfirstaðin lítur taflan svona úr fyrir umferðina.

1. FH 3 stig (+2)
2. KR 3 stig (+2)
3. Valur 3 stig (+2)
4. Víkingur R 3 stig (+1)
5. HK 1 stig (0)
6. KA 1 stig (0)
7.Leiknir R 1 stig (0)
8. Stjarnan 1 stig (0)
9. Keflavík 0 stig (-1)
10. Breiðablik 0 stig (-2)
11. Fylkir 0 stig (-2)
12. ÍA 0 stig (-2)

En höfum ekki áhyggjur af þessu, það er nóg eftir af mótinu og fullt af stigum í pottinum. Deildin fer ekki að taka á sig neina mynd næstum því strax.

Komið margblessuð og sæl og verið hjartanlega velkominn í þessa þráðbeinu textalýsingu úr Kórnum þar sem HK fær frændur sína í Fylki í heimsókn.