SKÝRSLAN: Þrenna í einum skemmtilegasta leik sumarsins
Hvað réði úrslitum?
Rauða spjald Davíðs Þórs Ásbjörnssonar hafði mikil áhrif á leikinn. Gæði, sjálfstraust og agi Framara kom þeim síðan yfir í leiknum manni fleiri. Það var ekki sjálfsagt.
Bestu leikmenn
1. Albert Hafsteinsson
Þrenna frá manninum. Það þarf ekkert að segja neitt meira.
2. Alex Freyr Elísson
Mark og stoðsending. Fjölmargir leikmenn sem gerðu tilkall úr báðum liðum.
Atvikið
Rauða spjald Davíðs Þórs breytti gangi leiksins og svo má ekki taka það af Alberti Hafsteinssyni að hafa skorað þrennu í leiknum. Heilt yfir var leikurinn frábær skemmtun.
Hvað þýða úrslitin?
Fram eru ennþá á toppi deildarinnar taplausir og verða á toppnum eitthvað á næstunni í það minnsta. Kórdrengir eru nú sex stigum á eftir 2. sætinu eftir sigur ÍBV í kvöld, í 4. sæti deildarinnar. Þeir mæta Vestra í næstu umferð en liðin eru jöfn að stigum.
Vondur dagur
Davíð Þór Ásbjörnsson verður líklega lengi að sofna í kvöld. Var frábær í leiknum sjálfum og hjálpaði liðinu mikið að komast yfir með mikilli baráttu og gæðum. En svona reynslu mikill leikmaður verður að vita betur þegar hann rennur sér í tæklingu á miðjum vellinum, á gulu spjaldi.
Dómarinn - 7,6
Hátt erfiðleika stig í leiknum. Arnar Þór stóðst prófið og gott betur. Nokkur erfiðar ákvarðanir sem hann þurfti að taka í leiknum og frá fjölmiðlastúkunni séð, voru þeir lang flestar hárréttar.