SKÝRSLAN: Tíu Vestramenn kláruðu lánlausa Grindvíkinga
Hvað réði úrslitum?
Grimmd og áræðni, gestirnir virstust bara vilja sigurinn miklu meira. Voru langtum betri aðillinn í fyrri hálfleik og leiddu verðskuldað. Grindavík setti meiri pressu á þá er líða fór á seinni hálfleikinn en skapaði sér ekki færi að ráði nema þegar þeir jöfnuðu. Slökktu svo algjörlega á sér eftir það og sigur gestanna fyllilega sanngjarn.
Bestu leikmenn
1. Pétur Bjarnason
Get ekki annað en gefið Pétri þetta. Skoraði gott mark og vann þess að auki eins og hestur. Tók virkan þátt í varnarleiknum eftir að gestirnir misstu mann af velli og hljóp úr sér lifur og lungu fyrir liðið.
2. Sergine Fall
Öflugur í hægri bakvarðarstöðunni og skilaði virkilega góðu dagsverki.
Atvikið
Vítavarsla Brenton Muhammad sem varði fínt víti Sigurður Bjarts eftir að hafa verið dæmdur brotlegur sjálfur. Hefði getað breytt öllu í leiknum hefði Sigurður skorað en Brenton sá við honum.
Hvað þýða úrslitin?
Vestri hoppar upp í 4.sæti deildarinnar með 25 stig. Grindavík situr aftur á móti í því 7 með 19 stig og geta endanlega kvatt drauminn um Pepsi Max 2022
Vondur dagur
Aron Jóhannsson. Leikmaður sem svo oft er potturinn og pannan í spili Grindavíkur og ógnandi með góðan skotfót sást ekki í leiknum í dag.
Dómarinn - 9
Erlendur var stórgóður á flautunni í dag. Ekkert stress né óðagot og stóru atriðin upp á 10. Einn okkar albesti það er bara þannig.