SKÝRSLAN: Aldrei spurning í Mosfellsbæ!
Hvað réði úrslitum?
Afturelding var einfaldlega bara miklu betri í dag. Þórsarar fengu varla færi og sigurinn aldrei í hættu. Varnarlína Mosfellinga mjög öflug og lokuðu á allt sem gestirnir reyndu.
Bestu leikmenn
1. Georg Bjarnason
Hefur verið góður í sumar og skilar alltaf sínu. Tvær stoðsendingar í dag og öruggur varnarlega.
2. Ýmir Halldórsson
Fyrsti leikur Ýmis fyrir Aftureldingu og hann var gjörsamlega frábær við hlið Alberto. Þeir hafa aldrei spilað saman en mynduðu gríðarlega sterkt miðvarðapar í dag. Alberto gerir tilkall hér líka en þar sem hann les ekki fotbolti.net fær Ýmir þetta.
Atvikið
Arnór Gauti með rosalegan skalla sem kemur Aftureldingu á bragðið. Það vantaði eitthvað svona til að brjóta ísinn og Arnór heldur áfram að vera mikilvægur upp á topp.
Hvað þýða úrslitin?
Afturelding jafnar Þór að stigum í deildinni og kveðja fallbaráttuna líklegast fyrir fullt og allt með þessum úrslitum. Þór búnir að tapa síðustu tveimur leikjum 2-0 og þurfa að ná upp taktinum aftur.
Vondur dagur
Sóknarleikur Þórs var ekki upp á marga fiska. Fyrir utan föst leikatriði var lítil sköpunargleði hjá liðinu í dag. Þetta þarf að laga.
Dómarinn - 8
Þorvaldur var flottur og hélt línunni heilt yfir vel.