Fotbolti.net
Guðmundur Aðalsteinn Ásgeirsson
Guðmundur Aðalsteinn Ásgeirsson
Pepsi-Max deild kvenna
Eimskipsvöllurinn
Ekkert sól og sumar en samt ágætt
Þróttur R.
Þróttur R.
3 - 2
ÍBV
ÍBV
Álfhildur Rósa Kjartansdóttir 18'1 - 0Andrea Rut Bjarnadóttir 45'2 - 02 - 165' Selma Björt Sigursveinsdóttir2 - 268' Clara Sigurðardóttir Andrea Rut Bjarnadóttir 87'3 - 2
Dómari: Helgi Ólafsson

SKÝRSLAN: Einn sigurvegari en bæði lið nokkuð sátt á koddann

Hvað réði úrslitum?

Gæði Andreu Rutar gerðu mikið fyrir lið Þróttar. Þetta er mjög efnilegur leikmaður sem var að skora sín fyrstu mörk í deildinni í sumar. Hún verður að byggja ofan á þetta og skora fleiri mörk. Það er kannski saga tímabilsins fyrir þessi lið að þetta detti ekki fyrir ÍBV, þrátt fyrir mikla og góða baráttu.

Bestu leikmenn

1. Andrea Rut Bjarnadóttir (Þróttur R.)

Tvö mörk og stoðsending. Geggjaður leikur hjá henni og verður gaman að sjá hvernig hún mun enda þetta tímabil og byrja það næsta. Er á leið í verkefni með U19 landsliðinu.

2. Liana Hinds (ÍBV)

Var mjög mikilvæg í endurkomu ÍBV og stóð sig heilt yfir vel í hægri vængbakverðinum, sérstalega sóknarlega.

Atvikið

Sigurmarkið, auðvitað! Eftir frábæra endurkomu ÍBV, þá gerði Þróttur mjög vel að klára leikinn; frábær sending hjá Ólöfu og vel klárað af hálfu Andreu.

Hvað þýða úrslitin?

Þróttur fer langt með að tryggja sér þriðja sæti deildarinnar. Þær eru líka á leið í bikarúrslit og tímabilið er í raun bara eins og draumur í dós fyrir Þróttara, jafnvel þó að þær vinni ekki bikarúrslitin. ÍBV verður áfram í Pepsi Max-deildinni á næstu leiktíð, eftir úrslit í öðrum leikjum.

Vondur dagur

Olga Sevcova nagar sig örugglega í handabökin að hafa ekki skorað alla vega eitt mark. Annars er mjög erfitt að taka einhvern út fyrir sviga eftir þennan leik, sérstaklega seinni hálfleikinn þar sem bæði lið gerðu nokkuð vel. Bæði lið fara örugglega nokkuð sátt frá þessum leik; Þróttur er nánast öruggt með þriðja sæti og ÍBV heldur sæti sínu eftir úrslit í öðrum leikjum.

Dómarinn - 7

Nokkar tæpar rangstöður en heilt yfir bara vel dæmdur leikur hjá Helga og hans teymi.
Fotbolti.net

© Copyright 2002-2026 Fotbolti.net / Fotbolti Ehf. All rights reserved.