Fotbolti.net
Sverrir Örn Einarsson
Lengjudeild karla
Grindavíkurvöllur
Rok en þurrt að kalla
Grindavík
Grindavík
0 - 2
Fram
Fram
33' Albert Hafsteinsson (misnotað víti)0 - 133' Albert Hafsteinsson0 - 253' Albert Hafsteinsson (víti)
Dómari: Jóhann Ingi Jónsson

SKÝRSLAN: Fram tryggðí sér Lengjudeildartitilinn í Grindavík

Hvað réði úrslitum?

Lið með sjálfsöryggi mætti liði sem hafði það ekki. Leikurinn sem slíkur var alveg jafn að kalla í erfiðum aðstæðum en lið Fram virkaði bara öruggara með sig og gerði sitt í að klára leikinn.

Bestu leikmenn

1. Albert Hafsteinsson

Skoraði tvö mörk í kringum vítaspyrnu. Fylgdi fyrst eftir lélegri vítaspyrnu sinni og skoraði en skoraði úr spyrnu númer tvö síðar í leiknum. Þess utan var hann ógnandi framan af í leiknum og gerði sitt af fagmennsku.

2. Hlynur Atli Magnússon

Öflugur í vörn Fram í dag og hélt Sigurði Bjarti Hallssyni vel í skefjum.

Atvikið

Stuðningsmenn Fram kölluðu eftir því að Ólafur Íshólm léti vaða á markið undan vindi úr eigin teig. Var nálægt því í eitt skipti á 78.mínútu þegar löng hreinsun hans skoppaði fyrir framan Aron í marki heimamanna sem virkaði óviss en handsamaði þó boltann.

Hvað þýða úrslitin?

Fram tryggir sér endanlega efsta sæti deildarinnar og getur klárað taplaust. Grindavík siglir sinn lygna sjó og getur hugsað um næsta tímabil.

Vondur dagur

Erfitt að ætla sér að taka einhvern út. Setjum boltann sjálfan hér sem fékk lítið að njóta sín í rokinu í dag.

Dómarinn - 8

Ekkert upp á Jóhann að klaga bæði vítin rétt frá mér séð. Var lítið að stressa sig á velli og stýrði leiknum af röggsemi.
Fotbolti.net

© Copyright 2002-2026 Fotbolti.net / Fotbolti Ehf. All rights reserved.