SKÝRSLAN: Kórdrengir áfram í Mosó
Hvað réði úrslitum?
Kórdrengir voru meira með boltann og nýttu þau færi sem þeir fengu. Hvíti riddarinn stóð sig samt með prýði á móti jafn sterku liði og Kórdrengjum.
Bestu leikmenn
1. Arnleifur Hjörleifsson
Það átti enginn stjörnuleik en Arnleifur var flottur í bakverðinum, braut ísinn með skallamarki og var duglegur að gefa fyrir.
2. Eiður Andri Thorarensen
Allir hjá Hvíta riddaranum áttu góðan dag og voru tilbúnir að berjast allan tímann. Eiður Andri var hættulegasti leikmaður Hvíta fram á við.
Atvikið
Ekki mikið um stór atvik í leiknum. Ég myndi segja að vítið í lokin kláraði leikinn og það drap aðeins í Hvíta riddaranum.
Hvað þýða úrslitin?
Kórdrengir komnir í 16-liða úrslit Mjólkurbikarsins en Hvíti riddarinn úr leik eftir hetjulega baráttu.
Vondur dagur
Það vantaði aðeins upp á sköpunarkraftinn á síðasta þriðjungi hjá Kórdrengjunum. Þeir voru þó þolinmóðir og að lokum komu mörkin.
Dómarinn - 8
Yfir engu að kvarta