SKÝRSLAN: Afturelding áfram í bikarnum
Hvað réði úrslitum?
Afturelding gafst ekki upp þrátt fyrir þunnan hóp og að lenda undir í framlenginunni. Þeir voru betri í seinni hluta framlengingar og nýttu það afar vel.
Bestu leikmenn
1. Andi Hoti
Skoraði sigurmarkið og stóð sína plikt í vörninni með sóma. Heimamenn náðu ekki að opna vörn Aftureldingar mikið í þessum leik.
2. Kári Steinn Hlífarson
Allt spil Aftureldingar framarlega á vellinum fór í gegnum hann. Flottar snertingar og hann hafði kraft í 120 mínútur.
Atvikið
Vítaspyrnan í lok venjulegs leiktíma - heimamenn virtust ekki vera að fara að skapa sér neitt í opnum leik en dómarinn flautaði á brot eftir hornspyrnu og við fengum framlengingu sem bjargaði skemmtanagildi þessa leiks alla vega.
Hvað þýða úrslitin?
Einfalt að túlka það. Afturelding verða í pottinum þegar dregið verður í 16 liða úrslitin en Vestri eru úr leik.
Vondur dagur
Chechu Meneses. Varnar- og miðjumenn Vestra gáfu Aftureldingu trekk í trekk aukaspyrnu á hættulegum stað með óþarfa brotum. Dómarinn hafði sett línuna, sem var þunn en þeir gátu með engu móti aðlagað sig að henni. Chechu gaf aukaspyrnuna sem færði Aftureldingu sigurmarkið og því set ég þetta á hann frekar en aðra brotamenn.
Dómarinn - 5
Drap allt flæði í leik sem vantaði löngum köflum tempó. Mikið flautað og sumir minni dómar afar furðulegir í báðar áttir.