DALVÍKINGAR ERU KOMNIR ÁFRAM!

Hornspyrna hjá þór. Skalli hjá Woo sem endar á fjærstönginni og að lokum útaf!

90 mínútur komnar á klukkuna. Það er að stefna í cupset!

Dalvíkingar byrjaðir að tefja, passa boltann út við horn. Það er enn nóg eftir

Úffff Elvar með slaka sendingu til baka, Auðunn þarf að renna sér í boltann og bjargar honum í horn stað þess að hann fari inn.

Willard að sleppa í gegn en tekinn niður og ekkert dæmt. Stuðningsmenn Þórs brjálaðir en mér sýndist þetta réttur dómur, náði boltanum!

DAUUUUUÐAAAFÆRI!!!!!

BJARNI GUÐJÓN!! Þarf bara að rúlla boltanum yfir línuna en setur boltann í stöngina!!

Þórsarar loks að sækja í sig veðrið. Fá hér horn.

Ásgeir Marinó rennir boltanum fyrir. Woo rennir sér að boltanum en nær ekki til hans og hann rennur í markspyrnu.

Þór fær hornspyrnu. Ekkert varð úr henni.

Stuðningsmenn heimamanna eru að halda uppi stuðinu þessa stundina! Láta vel í sér heyra! Þeir eru dottnir í Víkingaklappið!

Auðunn í marki Þórs í vandræðum. Fær sendingu til baka og er alltof lengi að koma boltanum frá. Hann fær pressu á sig og neyðist til að hreinsa í horn.

WOO Í FÆRI!

Örfáar sekúndur liðnar og Jewook Woo er kominn í hörku færi. Komst framhjá Aroni Inga en þarf að teygja sig í boltann og skýtur framhja opnu markinu. Átti að gera betur þarna!

Flautað til hálfleiks á slaginu 45. Leikurinn róaðist heldur betur eftir markið!

Þarna tókst það en Aron Ingi vel á verði og fer út og handsamar knöttinn.

Þórsarar mikið að sækja upp hægri kanntinn en ná ekki að koma boltanum framhja fyrsta varnarmanni.

Þórsarar voru nálægt því að svara en stóra táin ekki nógu stór þarna!

Þórsarar að leika sér að eldinum hérna í öftustu línu og það stefndi í óefni en slapp fyrir horn.

Skot sem fer beint á Auðunn.

Dalvík/Reynir fær aukaspyrnu á hættulegum stað!

Þór fær fyrstu hornspyrnu leiksins. Sigfús Fannar stekkur hæst en skallar í varnarmann og Dalvíkingar hreinsa frá.

Þarna var möguleiki fyrir heimamenn!

Taka innkastið fljótt, Númi brunar upp kanntinn og a fyrirgjöf sem Jóhann Örn skallar framhjá!

Það er rosaleg stemning hér. Stuðningsmenn Dalvíkur láta sérstaklega heyra í sér. Vildu fá innkast hér en Þórsarar fá það, held að Dalvíkingar hafi eitthvað til síns máls

Þórsarar í dauðafæri!

Sammie McLeod fær boltann í miðjum teignum og á skot rett framhjá. Hefði ekki skipt máli þar sem hann tók við boltanum með hendinni og aukaspyrna dæmd.

Heimamenn byrja með boltann.

Liðin ganga hér út á völl. Pakkað í stúkunni og mikil stemning. Þetta verður eitthvað!

Allt í beinni

Fyrir þá sem komast ekki á völlinn en vilja sá leikinn, ekki örvænta. Leikurinn er í beinni útsendingu á Rúv 2, útsendingin hefst tíu mínútum fyrir upphafssparkið.

Dómararnir

Gunnar Oddur Hafliðason verður með flautuna í kvöld.
Aðalsteinn Tryggvason og Bergvin Fannar Gunnarsson verða honum til aðstoðar. Sveinn Arnarsson verður á hliðarlínunni.

Gunnar Oddur Hafliðason

Rúst
Þórsarar hófu leik í 2. umferð þar sem liðið mætti Samherjum. Það var ekki mikil fyrirstaða fyrir Þór þar sem leiknum lauk með 7-0 sigri. Harley Willard skoraði fjögur mörk. Fannar Daði Malmquist, Ásgeir Marinó Baldvinsson og Bjarki Þór Viðarsson skoruðu sitt markið hvor.

32 liða úrslitin eru þriðja umferð keppninnar en Dalvíkurliðið sigraði Kormák/Hvöt með þremur mörkum gegn engu í fyrstu umferð og síðan Völsung í annarri umferð 5-2 þar sem liðið skoraði tvö mörk í uppbótartíma.


Númi Kárason er kominn með þrjú mörk í keppninni í ár

Góða kvöldið og verið velkomin í beina textalýsingu frá leik Dalvíkur/Reynis gegn Þór í 32 liða úrslitum Mjólkurbikarsins.

Leikurinn fer fram á Dalvíkurvelli og hefst kl 19:45.