Afturelding slær hér Vestra út í leik sem varð á endanum skemmtilegur. Heimamenn fóru alla leið í fjögurra liða úrslit í fyrra en flottur karakter hjá Mosfellingum sem lentu undir í framlengingunni en vinna samt!

Vestri á hornspyrnu.Afturelding hreinsar frá og fá sjálfir hornspyrnu. Þetta er að detta í 120 mínútur.

Meiri krafur í Aftureldingu hérna, eru að fá aukaspyrnu í fínni stöðu, en enn og aftur er aukaspyrnan ekki að komast á leiðarenda.

Klaufalegt brot hjá Chechu. Gestirnir fá aukaspyrnu í fyrirgjafarstöðu sem Madsen skallar frá.

Fyrri framlenging er á enda. Vil hrósa framgöngu Magnúsar þjálfara Aftureldingar, hann er ekki að tapa sér við dómarann eins og margir þjálfarar eiga til að gera, jafnvel þó stórir dómar hafa fallið gegn þeim hér í kvöld.

Afturelding vilja víti! Ásgeir Frank klobbar varnarmann Vestra og fellur við en dómarinn dæmir ekki. Vestri fara upp en laust skot Guðmundar beint á Albons. Afturelding galopnaði þarna vörn heimamanna.

Chechu liggur eftir. Fékk hönd í andlitið en virtist óviljaverk.

Afturelding á aukaspyrnu á hættulegum stað. Sending Bond fyrir er arfaslök. Föstu leikatriði hans í dag hafa ekki staðið undir væntingum.

Framlenging rúllar hér af stað. Afturelding fær strax horn.

Dómarinn flautar hér til loka venjulegs leiktíma. Við erum að fara í framlengingu!

Tufa með hættulausa bakfallsspyrnu framhjá.

Madsen með lausan skalla á Albons. Ekki mikið eftir hér af viðbótartíma.

Víti! Barningur í teignum við hornið og dómarinn bendir á punktinn! Vestri á vítaspyrnu og Tufa fer á punktinn. Guðfinnur er talinn hafa togað Friðrik niður.

Friðrik á skalla eftir aukaspyrnu sem Albons ver vel í horn!

Gott spil frá Vestra og Madsen leggur hann á Tufa sem er í fínu færi við vítateigslínu en skot hans ekki nógu gott og fer framhjá.

Heimamenn orðnir ansi pirraðir á dómaranum sem leyfir lítið. Hann ræðir við bekkinn.

Aukaspyrna á miðjum velli fellur fyrir Tufa sem hittar hann illa og boltinn lekur í útspark.

Vestri á hornspyrnu en skalli Daníels aldrei ógnandi. Þeir eiga í vandræðum að skapa almennilega hættu við mark Aftureldingar.

Ásgeir Frank brýtur á Madsen. Hann þarf að passa sig á gulu spjaldi.

Afturelding fær hornspyrnu. Kári Steinn gerði afar vel að taka við boltanum á miðjunni og koma honum á Aron sem vann hornspyrnu. Afturelding á síðan skot fyrir utan sem er skölluð í annað horn. Vestri fá svo aukaspyrnu.

Aukaspyrna Madsen af löngu færi er fín og Albons ver í horn.

Laus skalli Chechu eftir hornspyrnu fer framhjá.

Hætta hérna við mark gestanna eftir hornspyrnu. Vestri er að taka sína þriðju hornspyrnu í röð.

Afturelding betri hér í seinni hálfleik. Gott spil endar með lausu skoti fyrir utan teig beint á Marvin.

Þetta er byrjað. Nýja vallarklukkan sem er hápunktur þessa leiks til þessa er aftur orðin rétt.

Þessi hálfleikur var ekki sá besti. Vona að þetta hressist nú í seinni hálfleik.

Nei, nýja vallarklukkan að klikka. Sýnir 14 mínútur. Afturelding fær horn sem Marvin grípur.

Jæja nú eru færin byrjuð að koma. Vestri í skyndisókn sem endar með skoti Tufa úr ágætis stöðu. Skotið var ekki til útflutnings og endar í innkasti.

Ágætis séns hjá Vestra. Mistök í vörn gestanna og Guðmundur Arnar kemst í góða stöðu, boltinn hrekkur af honum til Toby King sem hittir hann ekki nógu vel og boltinn skoppar framhjá.

Afturelding fær hér gott færi! Hrafn kemst hér í gegn á móti markverði en Marvin lokar vel og ver í horn.

Mjög jafn leikur en ekki mikið gerst, það verður að segjast.

Afturelding fær aðra aukaspyrnu við hornfánann. Úr verður hættulaus skalli hátt yfir.

Madsen brýtur á Kára Steini og Afturelding fær aukaspyrnu í fyrirgjafarstöðu. Gunnar Heiðar þjálfari Vestra fær áminningu í kjölfarið.

Fyrsta færið! Silas gerir vel og sendir fyrir, boltinn fellur fyrir Guðmund Arnar sem á skot niðri en Albons ver vel.

Brotið á Silas. Aukaspyrna djúpt af kanti sem ekkert verður úr.

Sigurður Bond reyndi væntanlega skot en þetta sveif vel yfir.

Afturelding fær aukaspyrnu á hættulegum stað. Líklegt að sent verði fyrir.

Vestri komnir með yfirhöndina hérna. Madsen með sendingu fyrir sem er hreinsað í innkast.

Vestri fær aukaspyrnu út á kanti eftir brot á Silas. Guðmundur Arnar spyrnir en beint í fang Albons.

Fyrsta ógnin hér í dag. Tufegdzic kemst upp að endamörkum inn í vítateig og Afturelding hreinsar fyrirgjöf hans frá.

Ekkert markvert gerst hér í byrjun. Má segja að liðin séu að þreifa fyrir sér.

Leikurinn er hafinn, Afturelding byrjar þetta.

Liðin ganga út á völl. Leika bæði í sínum aðalbúningum, Vestri dökkbláir en Afturelding í rauðum treyjum.

Afturelding mætir með þunnskipaðan hóp. Einungis þrír útileikmenn á bekknum ásamt varamarkverði.

Það eru nokkur sár í vellinum og hann gæti verið ansi þungur.

Gott að sjá að það er loks búið að skipta um klukku hér á vellinum og verður væntanlega hægt að vita hvernig tímanum líður allan leikinn sem er nýbreytni.

Byrjunarliðin eru klár. Það vantar 6 leikmenn í hóp Vestra sem mættu jafnan kalla byrjunarliðsmenn. Helst má nefna Pétur Bjarnason og Nacho Gil. En breiddin virðist meiri en önnur ár og verður gaman að fylgjast með Silas Songani, sem byrjar hér í fyrsta skipti, hann er með flotta ferilskrá að utan.

Þetta er fyrsti heimaleikur Vestra á þessu tímabili. Völlurinn kom öllum að óvörum seint og illa undan vetri og hafa Vestramenn spilað alla 3 deildarleikina á útivelli og lék heimaleik sinn í síðustu umferð bikarsins á Álftanesi. Augljóst er að aðstaðan hér er langt á eftir öðrum.

Liðin mættust fyrir stuttu í annarri umferð Lengjudeildarinnar í Mosfellsbæ og þar unnu Vestri 2-0 sigur. Í fyrra unnu Vestri heimaleik sinn í deildinni 2-1 en síðari leikurinn endaði með 2-2 jafntefli.

Vestri og Afturelding mætast hér í 32ja liða úrslitum Mjólkurbikars karla. Þessi lið mættust einnig á sama stað í keppninni í fyrra, þá í Mosfellsbæ og fóru Vestfirðingar með 2-1 sigur þar. Vestri fór alla leið í fjögurra liða úrslit í fyrra þar sem þeir lágu fyrir Víkingum.