Sterkur sigur Grindavíkur á Gróttu staðreynd.

Viðtöl og skýrsla væntanleg.

Grindavík fær hornspyrnu.

Pakki í teig Grindavíkur eftir aukaspyrnuna en gestirnir ná ekki að gera sér mat úr kaðrakinu sem myndast.

Dagur Ingi í dauðafæri en Sigurður Hrannar bjargar á síðustu stundu með góðri tæklingu.

Lítið gerst á vellinum síðustu mínútur annað en skiptingar. Grindavík sterkari aðilinn og líður alls ekki illa með stöðu mála.

Tvær hornspyrnur í röð teknar innarlega frá Gróttu sem Aron Dagur slær afturfyrir.

Sú þriðja en gestirnir dæmdir brotlegir.

Luke Rae með sprett og laglega takta en skot hans í varnarmann og afturfyrir.

Grótta fær horn.

Dagur Ingi átti að klára leikinn þarna!

Einn gegn Jóni eftir frábæra skyndisókn en skýtur boltanum beint í hann!

Kjartan Kári með boltann fyrir markið en Vladimir kemur boltanum frá í horn áður en að Benjamin nær til hans.

Kjartan Kári við það að detta í gegn en Zeba og Viktor vinna vel til baka og koma boltanum í horn.

Viktor Guðberg með laglegan sprett upp hægri vænginn, nær fyrirgjöfinni en Jón grípur inn í.

Kristófer Orri með skot af löngu færi en yfir markið.

Kjartan Kári lætur vaða á markið frá vítateigshorni vinstra megin. Alls ekki galin tilraun rétt framhjá stönginni.

Seinni hálfleikur hafinn

Gestirnir sparka þessum síðari hálfleik í gang.

Flautað til hálfleiks hér í Grindavík. Heimamenn leiða eftir að hafa verið betri aðilinn í fyrri hálfleik . Þeir munu leika gegn vindinum í seinni hálfleik.

Simon Logi með fínan sprett upp vænginn en gestirnir komast fyrir og setja boltann í horn. Ekkert verður úr horninu.

Aron lætur vaða af löngu færi og Jón Ivan slær boltann út í teiginn, þar berst biltinn fyrir fætur Tómasar Leós. sem nær skotinu úr þröngu færi en Jón ver aftur.

Grótta með hornspyrnu.

Grindvíkingar verið talsvert líklegri hér fyrsta tæpa hálftímann. Simon Logi í skallafæri en hittir ekki markið.

Pressa Grindvíkinga heldur áfram og þeir vinna horn.

Aron Jóhannsson í prýðis skotfæri í teig Gróttu en nær engum krafti í skotið sem Jón ver auðveldlega.

Zeba vinnur boltann á miðjum vellinum og finnur Aron í fætur. Aron lætur vaða en boltinn í varnarmann og afturfyrir. Zeba með skalla eftir hornið en hittir ekki markið.

Darraðadans í teignum eftir hornið en heimamenn koma boltanum frá á endanum.

Grótta sækir hornspyrnu.

Simon Logi með bjartsýnistilraun af 30 metrum, hittir boltann illa og rennur á rassinn í leiðinni.

Dagur Ingi með skalla að marki Gróttu en boltinn beint í fang Jóns Ivans.

Kjartan Kári í dauðafæri en setur boltann framhjá marki Grindavíkur. Hefði ekki talið þó flaggið á lofti.

Dagur Ingi fer vel með boltann við teig Gróttu og nær skotinu. Boltinn í varnarmann og afturfyrir, ekkert verður úr horninu.

Lúmskur bolti inn á teig Gróttu frá vinstri, Jón Ivan mætir út og hirðir knöttinn áður en að Símon Logi nær að gera sér mat úr sendingunni.

Aðeins að liðunum, það er engin Sigurjón Rúnarsson í liði Grindavíkur í dag. Hann tekur út leikbann vegna fjögurra áminninga. Josip Zepa tekur stöðu hans í liðinu.

Farið af stað í Grindavík í vægast sagt leiðinlegu veðri. Það eru heimamenn sem hefja hér leik.

Grindavík

Grindavíkurliðið er ólíkindatól og ekki á vísan að róa hvaða útgáfu af því maður fær hverju sinni. Stöðugleiki er ekki þeirra sterkasta hlið en á sínum degi er liðið þó eitt það besta í deildinni. Hvaða útgáfu skyldum við fá í blæstrinum í Grindavík í dag?

Grótta

Ferskir vindar blása á Seltjarnarnesi en Grótta undir stjórn
Christopher Arthur Brazell situr á toppi deildarinnar þessa stundina. Liðið þykir leika skemmtilega knattspyrnu og hafa sýnt það framan af sumri að þeir eru eitt allra skemmtilegasta lið deildarinnar.

Heil og sæl kæru lesendur og verið hjartanlega velkomin í beina textalýsingu Fótbolta.net frá leik Grindavíkur og Gróttu í 11.umferð Lengjudeildar karla í knattspyrnu.