SKÝRSLAN: HK færist nær Bestu deildinni
Hvað réði úrslitum?
Léleg dekkning Kórdrengja í mörkunum skildi á milli í dag. Fyrir utan það var varnarleikur Kórdrengja þéttur og þeir gáfu fá færi á sér. Gestirnir hefðu eflaust viljað nýta yfirburði sína úti á vellinum betur.
Bestu leikmenn
1. Hassan Jalloh
Skoraði tvö mörk þrátt fyrir að gestirnir hafi ekki náð að opna Kórdrengi mikið.
2. Arnar Freyr Ólafsson
Arnar var öruggur í sínum aðgerðum í dag.
Atvikið
Kórdrengir urðu fyrir áfalli snemma leiks þegar Bruno skoraði eftir aðeins 4.mínútur.
Hvað þýða úrslitin?
HK færist nær Bestu deildinni með sigrinum í dag.
Kórdrengir voru hvorki að fara berjast á toppnum né í hættu á að falla svo staða þeirra er ekki mikið breytt eftir leikinn.
Vondur dagur
Rúni Olsen virtist ekki vera alveg tilbúinn í verkefnið í dag. Leikmenn beggja liða og þjálfarar voru ósáttir frá upphafi til enda.
Dómarinn - 4
Rúni Olsen dæmdi leikinn illa. Margar skrýtnar ákvarðanir bæði varðandi brot og svo hefði hann getað spjaldað mikið oftar.