SKÝRSLAN: Fjölnir skoraði 4 gegn Selfoss
Hvað réði úrslitum?
Leikurinn var mjög jafn milli liðanna í fyrri hálfleik, en í síðari hálfleik var Fjölnir mun sterkari aðilinn og tók völdin á leiknum. Í síðari hálfleik þorðu Fjölnismenn að sækja mun meira og nýttu færin betur en í fyrri hálfleik.
Bestu leikmenn
1. Lúkas Logi Heimisson
Lúkas var mjög líflegur í dag, var með 2 stoðsendingar og átti mörg hörkuskot.
2. Júlíus Mar Júlíusson
Júlíus kom inná fyrir bróður sinn og skoraði fyrsta mark leiksins. Hann var mjög góður á miðjunni og átti góðan dag.
Atvikið
Rauða spjaldið hjá Alexander Vokes var mjög áhugavert.
Hvað þýða úrslitin?
Úrslitin þýða það að Fjölnir kom sér upp fyrir Gróttu og í 3. sæti deildarinnar. Litlar líkur eru á því að þeir nái að koma sér upp í 2. sætið en HK þarf aðeins að vinna einn leik til að tryggja sér annað sætið.
Selfoss fer niður í 7. sæti deildarinnar við úrslit dagsins og verður að segjast að þetta tímabil er búið að vera vonbrigði fyrir Selfyssinga.
Vondur dagur
Alexander Clive Vokes kom inn á á 72. mínútu leiksins. Hann fékk gult spjald á 75. mínútu og fékk síðan að líta seinna gula spjaldið sitt á 88. mínútu og rekinn af velli fyrir að tosa í Killian Colombie, mjög heimskulegt brot hjá Alexander.
Dómarinn - 8
Twana Khalid Ahmed var að dæma sinn fyrsta leik í Lengjudeild karla og stóð sig með stakri prýði, ekkert hægt að setja út á hann.