SKÝRSLAN: Grótta jafnaði Fylki að stigum
Hvað réði úrslitum?
Vindurinn gerði báðum liðum erfitt fyrir í dag og þetta var kannski ekki fallegasti fótboltaleikur sem sögur fara af. Grótta náði að nýta sér sín færi betur og svo einfalt er það, hefði getað dottið báðum megin.
Bestu leikmenn
1. Hannah Abraham (Grótta)
Mikil ógn af henni og lang hættulegasti leikmaður Gróttu fram á við í þessum leik. Leggur upp bæði mörkin og hefði getað átt fleiri stoðsendingar og sett mark eða tvö sjálf.
2. Ariela Lewis (Grótta)
Ariela var hættuleg upp á topp hjá Gróttu og gerði oft vel í að taka við boltanum og sækja í átt að markinu, sérstaklega lífleg í fyrri hálfleiknum. Setur tóninn fyrir Gróttu og kemur þeim yfir leiknum.
Atvikið
Ég ætla að setja þetta á jöfnunarmark Fylkis. Maður var varla búinn að líta upp eftir að Grótta komst yfir og þá var Guðrún Karítas með boltann hinum megin og tók málin í sínar hendur og kom sér framhjá nokkrum leikmönnum Gróttu áður en hún lagði boltann í fjærhornið. Það dugði þó ekki til fyrir Fylki í kvöld.
Hvað þýða úrslitin?
Grótta jafnar Fylki að stigum og liðin eru bæði með 16 stig í 3. og 4. sæti deildarinnar. Fylkir með betri markatölu og halda því 3. sætinu.
Vondur dagur
Það er erfitt og eiginlega ógerlegt að taka einhverja út fyrir sviga hér. Aðstæður buðu ekki upp á frábæran fótbolta og leikmenn beggja liða áttu erfitt með að ná góðum tökum á boltanum. Þetta var barningur og mikil stöðubarátta allan leikinn.
Dómarinn - 7.5
Bergrós og co dæmdu þennan vel bara nokkuð vel.