SKÝRSLAN: Varamenn Vals sáu um Keflavík í dag
Hvað réði úrslitum?
Líkt og báðir þjálfararnir töluðu um eftir leik að þá breyttist leikur Vals með varamönnunum. Keflavík var lengi vel inni í þessum leik áður en Valskonurnar kláruðu leikinn í lokin með tveimur mörkum sem varamennirnir áttu þátt í.
Bestu leikmenn
1. Ásdís Karen Halldórsdóttir
Var gjörsamlega geggjuð á hægri kantinum í dag. Leggur upp eitt og skorar eitt og hætti aldrei að ógna. Ein af þeim sem var ekki tekin útaf í lokin en hún er einn besti leikmaður Vals, það er ljóst. Fanns hún líka getað skorað fleiri mörk ef eitthvað er. Fékk gott færi í fyrri hálfleik sérstaklega, ef mér skjátlast ekki.
2. Melanie Claire Rendeiro
Var með þeim bestu leikmönnum Keflvíkinga í dag. Spilaði allan leikinn og átti stórleik frammi og á miðsvæðinu. Tók föstu leikatriðin hjá Keflavík og með hreinum ólíkindum að Keflavík skoraði ekki úr þessum hornspyrnum. Fiskaði einnig vítið sem Keflvíkingar skoruðu úr. Frábær í dag, vægast sagt.
Atvikið
Á 69. mínútu var Sandra Sig næstum því búin að gefa Keflvíkingum mark þegar hún fékk boltann og misst hann næstum undir sig og í markið. Mark þá og staðan væri 2-2 og Keflvíkingar hefðu fengið eitthvað mommentum. Það má líka spurja sig afhverju Sandra byrjaði í dag. Fanney auðvitað búin að byrja alla leikina í sumar og búin að fá á sig fæstu mörkin í deildinni. Sandra kom auðvitað til Vals á dögunum sem bráðabirgðar markmaður en ekki sem byrjunarliðsmarkmaður. Var þetta góðgerðarstarfsemi? Ég ætla ekki að trúa því en það má alltaf pæla í því.
Hvað þýða úrslitin?
Keflvíkingar eru ennþá í 9. sæti sem þýðir að þær verða í fallsæti þegar umspilið hefst. Það er hinsvegar allt annað með Val þar sem þær eru á toppnum með 8 stiga forystu þegar umspilið byrjar.
Vondur dagur
Ég bara veit ekki alveg hvern ég á að velja hér. Fannst Keflvíkingarnir fínir fram að 80. mínútu þegar Valur skoruðu tvö mörk í lokin. Valur er náttúrulega bara Valur. Ég bara treysti mér ekki að velja einhvern. Það væri bara ósanngjarnt. Vondur dagur fer á mig!
Dómarinn - 10
Á erfitt með að finna eitthvað gegn teyminu í dag. Dæmdu leikinn mjög vel saman og nelgdu allar ákvarðanirnar, þá sérstaklega stóru ákvarðanirnar líkt og vítið.