SKÝRSLAN: Víkingar unnu reynslulítið lið Blika
Hvað réði úrslitum?
Víkingar voru heilt yfir betri á flestum sviðum í dag. Ungir Blikar voru flottir en reynslan og gæðin voru meiri í liði Víkinga
Bestu leikmenn
1. Aron Elí Þrándarson
VAr mjög góður í leiknum. Skoraði gott skallamark og barðist eins og ljón.
2. Gunnar Vatnhamar
Frábær í leiknum. Bæði mark og stoðsending.
Atvikið
Það hlýtur að vera þegar Blikar mættu á rútu 35 mínútum fyrir leikinn.
Hvað þýða úrslitin?
Víkingar eru komnir með 14 stiga forystu þegar 18 stig eru eftir í pottinum og nokkuð ljóst að titillinn er á leið í Fossvogi. Lykilmenn Blika mæta hinsvegar úthvíldir í Evrópuleikinn á fimmtudag.
Vondur dagur
Verð að setja það bara á hvernig Blikar mættu til leiksins. Komu uppáklæddir í rútu 35 mínútum fyrir leik og skiluðu ekki inn leikskýrslu fyrr en þá, þó reglurnar segi að skýrslan eigi að vera komin klukkutíma fyrir leik. Eflaust einhver mótmæli við því að þurfa að spila leikinn í kvöld en ég sé ekki hverju þetta átti að breyta.
Síðan reyndist erfitt að fá Blika í viðtöl eftir leikinn.
Dómarinn - 6,5
Alls ekki slakur leikur á heild litið hjá dómarateyminu en ég verð að draga þá niður fyrir að sjá ekki rangstöðuna í þriðja marki Víkinga.