SKÝRSLAN: KA í neðri hlutann
Hvað réði úrslitum?
Eftir að KA komst yfir í fyrri hálfleiknum verðskuldað voru Fylkir mikið mun betri og hefðu með smá heppni getað stolið sigrinum. Jafntefli þó líklega sanngjarnt því að KA fékk sín færi.
Bestu leikmenn
1. Elís Rafn Björnsson
Bestur á vellinum í dag. Kom sér virkilega vel inn í leikinn í seinni hálfleik og var ógn hægra meginn. Var nálægt því að skora eitt af mörkum tímabilsins. Skilar góðu verki báðum meginn á vellinum.
2. Ólafur Karl Finsen
Fínasti leikur hjá Óla. Sækir vítið og skorar úr því. Ógnar manna mest og fékk tækifæri til að skora sigurmarkið en átti skalla yfir.
Atvikið
Spretturinn hjá Sveini Gísla Þorkelssyni í lok leiks var flottur en hann fór allt of illa með þá stöðu. Hljóp upp allan völlinn úr hafsentinum og var tveir á einn með Pétri en sendingin á Pétur var ekki nógu góð hjá Breiðhyltingnum knáa.
Hvað þýða úrslitin?
KA spila í neðri hlutanum eftir að hafa lent í 7. sæti. Fylkir einnig en þeir tóku það níunda.
Vondur dagur
KA spila í neðri hlutanum í ár. Það hljóta að vera vonbrigði. Menn geta alveg borið fyrir sig bikarinn og Evrópu en deildin var ekki ásættanleg.
Dómarinn - 6
Ekkert spes dómgæsla í dag. Flæðið skrýtið og mörg dæmi um ranglega dæmdar horn og markspyrnur. Hallaði á Fylki í dag.