FH sigur staðreynd. Viðtöl og skýrsla væntanlegt á síðuna síðar í dag.

Skalli á markið eftir hornspyrnu sem Sindri ver stórglæsilega. Boltinn berst út til Hrannars sem á fasta sendingu inn á teiginn og Viðar Örn er þar einn og óvaldaður en stýrir boltanum framhjá.

Björn Daníel sleppur í gegn en Jajalo nær að pressa á hann og verja.

Jajalo grípur fyrirgjöfina í annarri tilraun

Vuk Oskar fer illa með varnarmenn KA en þeir komast loks fyrir þegar hann tekur skotið.

Ingimar Stöle með slakt skot af löngu færi. Ekkert mál fyrir Sindra Kristinn

FHingar koma boltanum frá

Sveinn Margeir gerir vel að koma sér í gott færi en skotið ekkert sérstakt og Sindri ekki í neinum vandræðum.

Róaðist heldur betur yfir þessu eftir mark KA. Mætum fljótlega aftur með síðari hálfleikinn!

Einni mínútu bætt við

Böðvar Böðvars með skalla í átt að marki en boltinn fer rétt framhjá.

Sveinn Margeir Hauksson með skallann en boltinn fer í slá.

Logi Hrafn með skotið rétt framhjá.

Sindri Kristinn sparkar boltanum beint fyrir fætur Elfar Árna sem brunar inn á teiginn og sendir boltann á Svein Margeir, hann þarf að sækja boltann örlítið og skýtur en auðvelt fyrir Sindra.

RODRI BRÝTUR KLAUFALEGA Á BIRNI DANÍEL

Þetta er 'end to end' undanfarnar mínútur. Klaufaleg mistök í sóknarlínum beggja liða að valda því að engin færi hafa komið.

Vuk Oskar með boltann rétt fyrir utan vítateignn og á misheppnað skot og boltinn fer vel framhjá.

Björn Daníel sýndist mér fær boltann inn á vítateignum og á skot sem vörnin tekur.

KA menn aðeins að sækja í sig veðrið. Hafa unnið boltann hátt uppi á vellinum í tvígang en það eru ekki allir leikmenn liðsins með öll ljósin kveikt og þetta hefur runnið út í sandinn.

Gestirnir verið líklegri fyrstu mínúturnar. Brunuðu strax upp í sókn eftir miðjuna en Hrannar Björn var fyrstur á boltann og náði að hreinsa.

Vuk Oskar Dimitrijevic kemur þessu af stað!

Liðin eru að ganga út á völl. Þetta er að fara af stað.

Um að gera að klæða sig vel og mæta á völlinn. Það er klassískt gluggaveður. Það er kalt en sólin er þarna einhversstaðar á bakvið skýin.

Elfar Árni Aðalsteinsson kemur inn í liðið hjá KA fyrir Andra Fannar Stefánsson. Andri fær sér sæti á bekknum en þar má finna Viðar Örn Kjartansson sem kom inn á í sínum fyrsta leik gegn HK og má búast við því að hann spili meira í dag. Það eru tvær breytingar á liði FH sem tapaði gegn Breiðabliki á Kópavogsvelli. Reynsluboltarnir Finnur Orri Margeirsson og Björn Daníel Sverrisson koma inn í liðið en fyrrum KA maðurinn Dusan Brkovic og Baldur Kári Helgason fá sér sæti á bekknum. Björn Daníel tekur fyrirliðabandið.

Kristján Óli Sigurðsson spáir markalausu jafntefli í dag. KA 0 - 0 FH Bæði lið ollu vonbrigðum í fyrsta leik. KA gegn fallbyssufóðri HK og FH gegn Blikum. Það verður mikið undir á Akureyri en ég held því miður fyrir bæði lið að þetta endi með jafntefli 0-0.

Vilhjálmur Alvar Þórarinsson er með flautuna hér í dag. Gylfi Már Sigurðsson og Egill Guðvarður Guðlaugsson eru honum til aðstoðar. Twana Khalid Ahmed er fjórði dómari og Valdimar Pálsson er eftirlitsmaður KSÍ.

Bæði lið leitast eftir sínum fyrsta sigri. KA gerði jafntefli gegn HK hér á Greifavellinum þar sem liðið óð í færunum.

   07.04.2024 16:41

Vildi skora sjö til átta mörk - „Áttum miklu miklu meira skilið"

   07.04.2024 16:30

Viðari var kalt á bekknum: Áttum klárlega að vinna

FH tapaði á Kópavogsvellinum gegn Blikum en FHingar voru allt annað en sáttir þar sem þeir vildu fá vítaspyrnu í leiknum.

   08.04.2024 22:29

„Geri þá kröfu að dómarar þekki leikmennina sem þeir eru að dæma hjá“

   09.04.2024 12:55

Sigurður Bjartur: Hélt þetta yrði 100% víti

Verið velkomin í beina textalýsingu frá leik KA og FH í 2. Umferð Bestu deildarinnar.